السلام عليكم ورحمة الله
بغيت اشتري سياره للبيت وابيها تكون بحجم اكبر من الاند كروزر
وانا محتار بين الارمادا والسوبربان
انا ابغي الارمادا وزوجتي تبي السوبر بان لا ولونه اسود بعد
ماودي اكسر بخاطرها
بس انا اشوف الارمادى عملي اكثر من السوبر
ابغي مشورتكم وابيكم تحكمون بينا
ادري انكم كفو في المشوره ومب مقصرين 
السلام عليكم اخوي
اسمحلي اقول لك ان معلوماتك غير صحيحه ( اولاً الحمد لله الحمد لله انا عندي الارمادا ماشيه 40 الف ولين الحين ما تحتاج تبديل سفايف . وثانياً مب لازم سيرفس في الوكاله اخوي) ,,,,
هذا كله كلام من الموظفين الي في الوكاله عشان ترجع عندهم بس وياخذ عمولته … ولا انا دخلت على المدير وقالي مب لازم التشيك في الوكاله و قالي على راحتك …
والارمادا يا اخوي ما عليها كلام خذ معلومه مجرب …
بيض الله ويوهكم كلكم
الكفه راجحه للسوبر بان وانشاء الله بشتريه وبسوي لها مفاجأه
مشكورين مشكورين
وبخصوص السيكويا مشكلتها انها سنجل وهذا عيب شرعي في نظري
الله يوفقكم
نحن عندنا فالبيت سوبربان 2009 (شفروليه مب جمس ) وفي الجمس هو نفسه اليوكن اكس ال … ما يفرق الا الخشم و الدبة شوي …
الصراحة الوالد يوم عزم يشتريها قلت له ما تصلح و امريكي و خرابه .. لكنه اصر و خذها بعد ما استخار طبعا و شاور ربعه ( لأن بعضهم عندهم الشفر و الجمس) المهم يوم سقتها انا حسيت بفرق بينها و بين الأرمادا اللي عند واحد من الأهل .. ياخي ماشاءالله تحس انك راكب يخت .. الطريق ابد ما تحس به .. مريح فعلا .. و قلت بجرب و بيلس فالدبة (الصف الثالث من الكراسي) يلست و يلسو حذالي اخواني قوم بو 10 و 8 سنين .. ولا اتضايقت من اليلسة .. كأني يالس فالصف الثاني.. لكن مثل ما قالو لك الاخوان .. لا تفكر اتبيعها لان سعرها بينزل واايد واايد حسب ما تعرف …
لا و 2009 يفرق عن 2008 ان القير 6 سرعات يعني الموتر مريح عالخط .. هذا حسب ما خبرونا قوم بن حموده لاني ما ادري عن 2008 .. و تدفئة و مكيف بالكراسي..
توكل على الله و خذها .. انا عن نفسي اذا الله رزقني بعايلة كبيرة ان شاء الله باخذ سوبربان .. لا ستيشن ولا فتك …
والله يوفقك
شوف الغالي…
نصيحة مجرب
خذلك سوبربان وانته والخير رباعه
والله العظيم كوتر مافي احسن من من ناحية السواقة والراحة والهدوء والوسع
بس لا تفكر تبيعه الا بعد فترة طويلة
هذي مشكلة الأمريكي..
بس بصراحة موووووووتر
يعني صدق مسواي حق المكدة
يقولون السكويا سنقل مش فورويل نصيحة خذ لك سوبربان لا فطيم ولا خربطان وكالة الشفر اوكيييه لكن خذ جمس يوكن اكس ال هاذي سعرها ما يطيح نفس الشفر والاسعار متقاربة
السوبربان اريح لكن الارمادا اوكي بس لتاخذ تاهو كراسيه الخلفية نازلة ومب مريحة خذ لك يوكن اكس ال