أريد أن اضعف ,,,,ولكن!!

37 thoughts on “أريد أن اضعف ,,,,ولكن!!”

1. خبراء التغذية والمشروبات في المنتدى

   كل ما حاولت اسوي ريجيم افشل

   والوزن في ازدياد حتى انه تخطى حاجز ال 100 كجم ( بدون النعال والعقال )

   علما ان طولي 185 سم

   وخصوصا الكرش كيف ممكن اتخلص منها هل في شي عالسريع يخليها تختفي

   اريد نصايح ذهبية من مجربين

   يعني اشياء لازم اتجنبها

   واشيا لازم اخذها

   يعني نصايح عالسريع

2. هذا ردي في موضوع سابق

   ريجيم بدون رياضه = ترهلات

   رياضه بدون ريجيم = تنفخ و عضلات بدون فقد وزن

   رياضه + ريجيم = نقص وزن و جسم حلو..لكن مب اي ريجيم يمشي مع الرياضه لان في ريجيمات غير صحيه مثل الكيميائي و تؤدي الى الضعف و الاغماء فما بيقدرون يسوون رياضه وياه

   و نظام التجويع بعد مب زين لان الانسان يتعرض بعدين للشره المرضي من كثر الحرمان

   بعد تنقيص الوزن و الوصول للوزن المطلوب يجب تثبيت الوزن..فيه عدة طرق لتثبيت الوزن بس من تجربه قهوة دينا سفيلت من الصيدليه تثبت الوزن بشكل رهيب

   و شي معروف الريجيم اللي ينزل بسرعه بعد تركه يرجع الوزن بسرعه..و كثر الريجيمات مب زينه…جسم الانسان مثل البالون..عدم ثبات الوزن يعني ارتفاعه و نزوله مثل نفخ البالونه و بعدين تفضيها من الهواء يستوي شكلها قبيح و جسم الانسان نفس الشي و هذي اسمها ترهلات و ما تروح الا بالرياضه و بالاراده القويه..فالافضل تجنبها بالثبات على الوزن المثالي و ممارسة الرياضه

   ايضا في حبوب لتنزل الوزن و كل جسم استجابته تختلف مثلا حبوب زنتراكس من Gnc حلوه لكنها ما تنزل الوزن الا اذا تحركت و سويت رياضه

   و حبوب ثانيه تسبب الاسهال و كذلك الاعشاب..و في اعشاب اخرى يتم بيعها في النت و في عيادة دكتور مشهور في عجمان تسبب ترسبات في الكلى تحملو منها ما وراها الا الندامه

   شخصيا وزني ما يرضى ينزل تحت ال 55 باي رياضه او اي ريجيم..يعلق يعني..الحين استخدم حبوب صينيه مضمونه..لا تخافون مافيها ديدان لوول.. و اتمنى اوصل 48 خلال اسبوعين ..هالحبوب ما تحتاي رياضه و لا شي و لا تحس بجوع طول اليوم..فلازم اذكر عمري اكل عشان ما يصير لي هبوط..لان فعلا ما احس بجوع لدرجة انسى اكل…بس تعطش بطريقه رهيبه..لازم اشرب 4 غراش ماي من الكبار يوميا…بس نتيجتها فتاااكه

   في النهايه لازم الانسان يحاسب على اكله و يحاول يكتسب عادة الاكل الصحي شوفو اهلنا و امهاتنا الله يحفظهم سكر و ضغط و مفاصل..هذا كله بسبب العادات غير الصحيه في الاكل و عدم ممارسة الرياضه..لكن شواب و عيايز اول ماشاء الله عليهم كانو يمشون قبل زمن السايير و يشتغلون و يعابلون..عشان جذيه جيلهم كان اكثر صحه من الجيل اللي يا عقبه

   وايد رمست..خلاص بسكت

3. انا شو يابني هالموضوووع

   الموهيم انا بعد دوووبه و ابا اضعف نفسيتي تعبانه << 58 كجم و الوزن المطلوب هو 45…الطول 160 سم

   شخصيا استخدم حبوب صينيه مب متوفره في البلاد و تضعف عدل عدل << كنت مستخدمتنها من قبل و ما منها ضرر اذا تشرب الف كوب ماي في اليوم ..

   الحين رديت استخدمها و ضعف 2 كيلو في اربع ايام..بس المشكله من هالحبوب ان ما احس باليوع موول فطبعا ما اكل…او انسى اكل..مع ان المفروض اكل..فتم راسي يدور و خرفت..الموهيم سرت عند الدكتوره و عطتني فيتامينات و قالت كل شي اووكي…ماافيش موشكله خالص

   فان شاء الله برد لهم باجر لان يايني احباط و اليوم كنت اصيح من وزني<< خخخخخ اللي يسمع يقول وزني 100 ..بس شو اسوي يوم ربيعاتي منيكينات يحبطووون الواحد

   و يوم بخلص هالقوطي اللي عندي

   ببتدي بالفايتو شيب لان يمدحونه و شفت نتايجه على ربيعاتي…و ما عليك من اللي يسبونه لان اي حبوب تنحيف لازم تشرب وياهم وااااااااااااااااااااااايد ماي…اذا ماشربت ماي بتتعب..و اللي ما يستفيدون من الحبوب او تعبتهم تلقاهم طبعا ما يشربون ماي ..و اصلا نحن جونا حاااااار المفروض الواحد يوميا يشرب 2 لتر ماي على الاقل..يعني اربع غراش من الصغار

   اما بالنسبه للكرشه تعرف المريميه؟؟ اكيد تعرفها منوو ما يعرفها..الطريقه البسيطه انك تاخذ اكياس شاي المريميه من الجمعيه و تسوي شرات الشاي و تشربه يوميا…و تغير من الشاي الاحمر الى الشاي الاخضر..بس لا تاخذ شاي اخضر مال ربيع و الا لبتون هذا غش…خذ ماركه صينيه شي معتبر يعني مب مقصه.بالاضافه الى رياضة الست اب…على الاقل 100 مره في اليوم و انت تطالع التلفزيون

   طبعا الواحد يوم يضعف وايد الجسم يترهل…فلازم رياضه …سولك روتين يومي رياضه..مشي او كرة قدم او اي رياضه تحبها…لان اذا ما سويت رياضه بتترهل شرات البالونه اللي كانت منفوخه و فسدت

   و بعدين لازم تعتمد الهلثي لايف ستايل..يعني ودر عنك عادات الاكل السيئه و كل اشياء مووفيده

   احيد عندي رد من قبل عن مثل هالموضوع بدوره و بييبه برب

4. مركز نيوترشن

   تضعف على نضام غذائي يناسب احتياجات جسمك
   ومن عنهم تشتري الشيكولاته والعصير

   لان لو اتبعت ريجيم من نفسك
   يمكن تمرض وتقل عندك عناصر غذائيه مهمه

   المهم في حالة وزنك لازم تستشير دايتشن

5. اخوي

   سير عند نيوتريشن واطلب منه انك تتبع الحمية والنظام الغذائي بدون الأدوية ((اذا كننت حاب ))
   والتزم وياه مع المتابعة زفي خلال شهر بيبين كل شيء وياك وبينزل الوزن

   ان شاء الله تستفيد وين نترشن

Comments are closed.