أريد شراء سيارة من امريكا .. ما هو الحل؟؟

16 thoughts on “أريد شراء سيارة من امريكا .. ما هو الحل؟؟”

1. السلام عليكم

   الموضوع بسيط جدا لكن انت محتاج شخص ثقه كوسيط يخلص لك امور البيعه والشحن فقط لاغير وعمولته تكون معقوله

   اولا تدخل مواقع البيع ثابتة السعر مثل cars.com و autotrader وتختار نوع واسم السياره وتدخل رقم zip code وهو رمز المدينه التي يقيم فيها الوسيط الذي تتعامل معه ومن ثم تحدد نطاق البحث عن السياره المطلوبه بحدود 50 مايل فقط بمعنى انه السياره المطلوبه لا تبعد عن مدينة الوسيط اكثر من 50 مايل لانك بهالحاله راح توفر على نفسك وعلى الوسيط الوقت والجهد والمال وتبتعد كل البعد عن مصاريف النقل البري اذا كانت السياره بعيده عن ميناء نيوجيرسي فبالتالي يسهل على الوسيط التواصل مع صاحب السياره سواء كان معرض او بائع خاص

   طبعا بعد ما تختار السياره اللى تناسبك بتكون عندك ارقام التواصل تقدر بنفسك انك تتصل بصاحب السياره وتكاسر على سعرها او انك تطلب من الوسيط الاتصال به والتفاهم على السعر وبعد الاتفاق على السعر عندك طريقتين بالدفع الاولى انك تحول حواله بنكيه الى حساب المعرض الخاص مع اعلامهم باسم الوسيط الذي سيستلم منهم السياره والذي بدوره سيتواصل مع شركة الشحن التي ستنقل السياره من المعرض الى مقر شركة الشحن وتعبئتها بكونتينر (حاويه) ومن ثم الى الميناء لاتمام عملية الشحن اما بالنسبه لاوراق المبايعه والمفاتيح فاما ان يقوم الوسيط بارسالها لك عن طريق اراميكس او فيدكس او تسليمها لشركة الشحن والتى بدورها ستسلمها لك وقت وصول الشحنه الى ميناء العميل

   ملاحظه
   جميع المعارض والوكالات المعروضه في موقع cars و atuotrader هي معارض معترف بها وموثوقه بحيث لاخوف من ارسال المبالغ الماليه على حسابهم الخاص حيث يقوم المعرض بارسال بيانات حسابهم البنكي على ايميلك الشخصي ويبقى عليك فقط ان تقوم بطباعة بيانات حساب المعرض على ورقه ثم التواصل مع بنكك الخاص وتحويل المبلغ بالكامل برسوم لا تتعدى 80 درهم على حسب خدمة البنك
   وتستطيع ايضا من خلال هذه المواقع ان تعرف مدى رضا الناس الذين تعاملوا مع هذه المعارض وبالتالي سترى ردود الناس وانطباعهم عن مدى خدمة هذا المعرض ومدى الشفافيه والسرعه وانجاز المعامله بالوقت المطلوب لكي تكون مطمئن من ناحية هذا المعرض ومدى ثقة الناس به

   الطريقه الثانيه انك تحول المبلغ بالكامل الى حساب الوسيط (قيمة السياره+عمولة الوسيط+قيمة الشحن) والذي بدوره سيقوم بعملية الشراء والنقل والشحن وانجاز المعامله بالكامل من تخليص جمركي الى استلامك لاوراق السياره

   وبعد وصول السياره الى دبي تقوم بالتالي تاخذ اوراق الشحن التى استلمتها عن طريق اراميكس

   واراق الشحن وهي

   1 بوليسية الشحن (بيل اوف انترى)
   2 فاتورة السياره مسجل بها قيمة الشراء
   3 ملكية السياره وهى (ورقة التصدير)

   روح لمكتب الجمارك (قسم العمليات) وعطهم كل الأوراق اللي عندك واذا سألك السياره لمنو قوله شخصيه ، وبعدها بيعملك بيان جمركي باسمك وادفع الرسوم الجمركية اللي عليها .

   اذا حاب تسجلها بالدولة قولهم اعملولي ورقة vcc هذا الورقة بيطلبونها المرور عند تسجيل السياره.

   المرحة القبل الأخيره روح لقسم التفتيش وبدورهم بيتأكدون من رقم الشاصي وبيوقعولك على الأوراق وبيعطونك ورقة (القيت باس) ورقة الافراج .

   شيل الورقة وعطها رجال الأمن اللي موجودين عند بوابة الخروج عشان يسمحولك باخراج السياره

   اي استفسار انا حاضر

2. ابي اتاجر بالسيارات من امريكا وانا مبتدئ وماادري من وين اشتريها فماهي افضل الولايات وماهي افضل المواقع على النت وجزاكم الله كل الخير

   albasha20001@yahoo.com

3. اخوي نصيحتي لك قبل لا تسافر اسأل عن القوانين في الولايه اللي بتشتري منها و الجمارك والضرايب ورسوم التسجيل والشحن وكافة الامور، وأهم شي انك تسوي حساب لمصاريف السفر والسكن والمواصلات.

   يعني طلع قلم ودفتر وسجل كل المصاريف المتوقعه وزيد شوي من عندك للطواريء.

   بالتوفيق.

4. هل سعر الوكاله في امريكا قابل للتفاوض ؟؟؟

5. طبعا خوي اذا تروح امريكا بنفسك وايد احسن لانك ماراح تدفع نسبة المعرض الي بييبلك السيارة
   والمعرض ياخذ نسبة 10 لين 15 % فايدة او ربح منك على سعر السيارة

   بس اذا تبى معرض يرتبلك وايبلك سيارة

   في ابوظبي عندك معرض كلاس للسيارات في شارع المطار موثوق ونسبته معقولة اذا تتفاوض معاه

   وفي دبي عندك معرض الكتبي للسيارات وهذا ميزته انك تدفع بس 20 % من سعر السيارة وبعد ما توصل تدفع الباقي او تمولها عالبنك

   وبالتوفيق انشالله

   تسلم اخوي العزيز 15% من سعر السياره يعني تقريبا 60 الف درهم … ياخي كثير افضل اني اسير ..

Comments are closed.