السلام عليكم ورحمة الله وبركاته..هل لدى أحد من الإخوان أية معلومات عن معالجة قلة توافر مواقف السيارات داخل مدينة أبوظبي..حيث أن هذه المشكلة في رأيي يمكن معالجتها عن طريق المواقف العمودية الذكية…التي لا تتطلب سوى مساحة صغيرة تضم مواقف لعدد كبير من السيارات..يمكن أن تكون بمقابل..والله هذا الموضوع تسبب لي بحالة نفسية سيئة جدا..تخيل اكثر من ساعتين وأنت تدور موقف..وانت وحظك..الموقف قد يكون نظامي ..أو لا..والصبح انت وحظك..إما مخالفة..أو حد داعمنك أو شاحفنك..أو مبند عليك..أو موقف عدالك وماتقدر تفتح باب سيارتك…تحركاتك تكون بتكاسي..وسياراتك موقفة خابف عالموقف لو حركتها..عائلتك وأهلك يتأثرون بذلك..مشاكل معهام لا تنتهي ..مرض نفسي وحبوب ضغط…الحل الأمثل والله المواقف الذكية…لمناطق مثل النادي السياحي والخالدية…لا وألحين قاموا سيارات الشركات اللي في البنايات يحجزون المواقف لسياراتهم…سيارة تدخل ..نفس السائق يقوم ويدخل الثانية..سيارات مسافرين واقفة أكثر من شهر..وسيارات مهجورة..شاحنات صغيرو وباصات توقف وتحجز موقف ل5 سيارات..دخيلكم الحل ..دخيلكم..

8 thoughts on “أزمة مواقف السيارات في العاصمة”

  1. الصراحه النادي السياحي والخالديه ازمه فنادق والمقاهي يقعد الواحد فالمقهى لين ما يبند وانته تبى ترقد وترد من وقت ما تحصل باركن

  2. انا من سكان النادي السياحي

    فرحة الحصول على باركن مساء الساعة 9.00 وانت طالع

    باركن —- كانك حصلت على منحه مجانية

    قمت بالبلاغ ضد احد الفنادق التي امامي

    مشغلين موظفين لصف سيارات نزلاء الفندق وينقع باقي السكان حول الفندق

    لو لمحت باركن من بعيد تركض علشان تحصله — تجد احد الموظفين قد ركض بسيارة احد الزبائن وصفها فيه

    والمصيبه

    انهم يسرعون بشكل خطير على الاطفال او اي احد يعبر الطريق — يجرون بسرعة عالية في اماكن ضيقة جدا

    ابلغت عنهم المرور والبلدية — ولكن لا حياة لمن تنادي

    يقف احدهم من بعيد ويصفر بصفارة لصاحبة لكي يحضر سيارة احد الزبائن لصفها نظام — ويولع باقي سكان المنطقة

    تسارعت مع احدهم ذات مره وقلت له انك مداوم ها لين الصبح لو سمحت انا شايف الباركن من الاول بس لين ادور وارجع انت سبقتني – بعد اذنك انت معك مفتاح السيارة وتداوم حتى الصباح وانتم موظفين كثيرون

    اما ان معي اهلي واطفالي واكياس الجمعية او كارفور

    قالي بكل حقارة

    ان الزبون اللي بيدفع 1500 درهم في الليلة عندنا من حقة يصف نظامي

    تعاركت معه لقلة ذوقه ولكن لا فائدة تركني ورحل بعيدا بكل برود الخنازير

    حسبى الله ونعم الوكيل —

    افكر جديا في الرحيل من النادي السياحي

    ولكن وين اروح اذا كانت ابوظبي كلها صارت زحمه شديده

    اذا كان احد من المسؤولين يسمع كلامي — فلينظر لامر الفنادق او المستشفيات التي توظف موظفين لصف السيارات على حساب سكان البنايات المجاورة

  4. بخصوص بوظبي،
    أنا من رأيي إن البلديه توزع المواقع المزدحمه. بمعنى آخر، الدوائر الحكوميه تكون في مكان واحد بس خارج أماكن تواجد السكان. و البنوك أيضا تكون موزعه بعيد عن أماكن السكن … إلخ.

    اللي صاير إنك تلقى أماكن فيها تكدس سكاني (مثل النادي السياحي و الخالديه) و فوق هذا تلقى الدوائر الحكوميه و المولات و البنوك فيها.

    واحد من الربع كان يقولي عن معاناته في الباركنات. يقول إنه ساكن حذال بنك دبي الحرامي (آسف الإسلامي)، فالنهار ما يلقى باركن لأن متعاملين البنك وايدين و في الليل بعد ما يلقى باركن لأن المنطقه متروسه عمارات سكنيه.
    و قس على هذا المثال في باقي المناطق.

    الغريب إن 30% فقط من مساحة بوظبي (أقصد الجزيره) مستغله و مبناي عليها مئات البنايات، أما باقي المناطق فاضيه.

Comments are closed.