السلام عليكم ورحمة الله وبركاته ..!!
مثل ما أعرف أنه سوق الأسهم هذي الأيام تلوع بالجبد .. والكل حاط أيده على قلبه وخايف يخسر .. ومثل ما سمعت أنه في شركات أعلنت أفلاسها مثل شركة ” شعاع كابيتال ” .. الله يعوضها ويعوض المستثمرين ..
لي طلب من أخوانـي الأعضاء .. وأتمنى أنهم يساعدونـي .. وردهم على موضوعـي أنشالله يكون كله في ميـزان حسنـاتهم .. وربي يرزقهم الجنــة ..
ما أفهم بالأسهم كثيــر وحـاب أنــي أتعلم .. لأنه في نوع من المغامرة والمجـازفة .. وأنا عن نفسي أحب هالنوع من التجارة ..
مثل ما عرفت أنه ” السهم ” عبارة عن جزء صغير من رأس مال الشركة الأم .. ومالك السهم يملك جزء بسيط من رأس المال ” يعني يكون شريك في الشركة على قد أسهمه “
عندي شوية أسئــلة وأتمنى أنه الكل يحاول يعطيني رأييه ويجاوبني .. ” الاختلاف في الرأي لا يفسد للود قضية ” ..
أولا : أذا أنا حاب أشتري أسهم لشركة معينة .. فما هي الخطوات اللي تنصحونها بها .. ؟
ثانيا : الشركة اللي راح أشتري منها الأسهم .. كم راح يكون قيمة السهم الواحد .. بسعر السوق والا بسعرها العادي اللي يسمونه ” القيمة الاسمية ” ..؟
ثالثا : شو الفرق بين القيمة الاسمية والقيمة الدفترية ..؟ مع مثال ” أدري طرار وأتشرط ” ..؟
بتفلسف شوي واذا كلامي غلط ” أنصحوني ووجهوني ” ..!!
ألحين أذا أنا حبيت أشتري أسهم أعمار مثلا .. وقيمة السهم الواحد اليوم كان ب 5.56 درهم .. فهل راح تبيع لي السهم بالقيمة هذي أو أقل ..؟؟
ما معناة .. كمية العرض .. وكمية الطلب .. وكيف يأثرون في سعر السهم ..؟
وعندي أسئلة ثانية بس ما بطول عليكم ..
أتمنى منكـم التفاعل أخواني وشكرا ..

29 thoughts on “أسئـلة وتحتــاج إالـى إجابة ..!!”

  1. تصحيح مهم جدا جدا جدا جدا:

    قصدك أولا آخذ الخبرة وثانية أحقق لو “خسارة” بسيطة،، وثالثا: أحس البورصة مرض وأفلاس وموت في المقام الأول… ولعبة “متعبة وخبيثة وغير متكافئة” في المقام الثاني

    كلامك صحيح… و لكن عالم الأسهم عالم جميل… بربحه و خسايره…و معنوياتك على طول تكون و يا المؤشر… فوق و تحت… في النهاية تسلية… بس في نفس الوقت للأسف مضيعة وقت و فلوس… بس المدمن على الأسهم مسكين … ما يقدر يتعالج الا عند دكتور نفسي… الله يبعده عنا ان شاء الله

  2. تصحيح مهم جدا جدا جدا جدا:

    قصدك أولا آخذ الخبرة وثانية أحقق لو “خسارة” بسيطة،، وثالثا: أحس البورصة مرض وأفلاس وموت في المقام الأول… ولعبة “متعبة وخبيثة وغير متكافئة” في المقام الثاني

    للأسف أصبح السوق ساحة قمـــــــــار .. بعيدا عن كل مبادئ الاستثمار و لا حول و لا قوة الا بالله ..

  3. لأني بصدق حاب أدخل البورصة .. أولا أخذ الخبرة وثانية أحقق لو ربح بسيط .. وثالثا : أحس البورصة لعبة حلوة وتسلية في المقام الأول .. ومرض وأفلاس وموت في المقام الثاني ..

    ..

    تصحيح مهم جدا جدا جدا جدا:

    قصدك أولا آخذ الخبرة وثانية أحقق لو “خسارة” بسيطة،، وثالثا: أحس البورصة مرض وأفلاس وموت في المقام الأول… ولعبة “متعبة وخبيثة وغير متكافئة” في المقام الثاني

  4. بسم الله الرحمن الرحيم
    يا إخوان عندي استفسار وأتمنى من لديه الإجابة أن يفيدنا
    قبل فترة بسيطة أعلن البنك المركزي عن تخفيض الفائدة
    سؤالي تخفيض الفائدة كان على الودائع أم القروض أم كليهما ؟
    وكم أصبح مقدار الفائدة؟؟
    وكيف يساهم تخفيض الفائدة على رفع الأسواق ؟
    الرجاء أفيدونا أفادكم الله

Comments are closed.