السلام عليكم
اسمحولي يالربع اذا كنت كاتب الموضوع في القسم الغلط …. واذا كنت مغلط رجاءا انقلوا الموضوع للقسم المناسب ….
موضوعي باختصار اني اشتريت سوبرجت 2008 … الحمدلله مستواي اتحسن في السواقة, بس عرفت انه صعب اني أطور من سواقتي بدون تزويد, وحاليا الدراجة تتزود بصفيحة كربون فايبر, وانتيك أو على قولة ريال مغرافة, ومروحة, ومضخة للماي و بس…. أنا ما أعرف بالضبط شو بيكون الفرق بس بنشوف ….
أتمنى انه حد ينصحني اذا ممكن أركب أشياء ثانية عسب أستانس و من وين أشتري قطع غيار وشو أحسن محلات التزويد في دبي وبوظبي …… رجاءا انصحوني يالربع
السلام عليكم
ابصراحه الموضوع وايد حلو
واستفدت منه ومن خبرتكم
واذا في معلومات اكثر
ومنكم نستفيد
وشكرا (-:
السلام عليك يا بن منصور… مشكور على مشاركتك و يا ريت الغالي تعطيني اسم ال سبير و السمبوسة بالانجليزي عسب أشتري القطع…. واذا عن العصبية والصبر تراني صبور وما أعصب بسرعة … بس ما أقدر أيلس دراجتي عالفاضي وخاصة الخميس والجمعة والسبت …
مشكور يا اخوي 6304, المعلومات اللي عطيتني اياها بسجلها وانشالله أركبها في أسرع وقت… بس ياخي أنا مستغرب من شي.. انته تقول الزولية مع الفتحات 500 + 300, بس يوم سألت في محل التزويد في دبي قال بسويلك الفتحات ب 2300 درهم … و بعد ما عنده فتحات.. قالي أتريا اسبوعين للفتحات والزولية.
وبخصوص السكان قالي استيرنج سيستم ب 1600 درهم و الحديدة الطويلة ب 3600 درهم…
يا ريت يا أخوي اذا تعرف محلات في دبي بعد.. واذا اضطريت شكلي بسير بوظبي.
السلام عليكم ,,,
نفس ماقالك سعود وضيف عليها سبير وسمبوسة وmzd كهربه واذا تبا تركب كربيتر زياده حق التقفيز = الدفع القوي
وانصحك نصيحه اذا انته انسان حار تعصب بسرعه خل eep يولي ترى معاملتهم وصخه ومابتتحملها
يعني عادي توقف دراجتك اسبوع على قطعه وحده وهي موجوده في محلات ثانية بيقولك انته سير هاتها
انصحك تسير محل المعروف قبل eep وتحصل معامله حلوه
والسمووحه اذا غلطت في كلامي …
السلام عليكم أخوي …
اللي ركبته صح لكن زيد عليه :
1. زولية Hydro Turf
500 درهم
2. فتحات
حسب المحل لكن مب اكثر عن 350 درهم
3. سكان umi “0” degree
250 درهم
4. قبضات
150 درهم
5. سبرينج حق السكان
150 درهم
6. Turn Kit
900 درهم كامل
7. ابرة الريس
250 درهم
هذا السامان كله ينفع حق Freestyle أو Freeride …
وانت مع الوقت بتقرر شو اللي عيبك اكثر وبتكمل التزويد على هالأساس …
لكن لا تركب شي ثاني بعد هذيل الا بعد ما تدرول عدل …
أما السنة الياية انشالله ركب اكزوز وهيد و V-Force و MSD ….
وجي ما يبالك شي الا تخفف البدي … وهذا اذا كنت ناوي صدق تحترف …
اما المحلات … فانا وربعي نتعامل مع eep في البطين …. شغله زين واسعاره اوكي …
انشالله اكون جاوبت على سؤالك …
وسلامتك …