السلام عليكم ورحمة الله وبركاته
شحالكم إخواني عساكم بخير
شحالكم إخواني عساكم بخير
عندي إستفسار عن الرادار والمخالفات لو حد عندو علم بالمخالفات
أمس أشيك على مخالفاتي وحصلت مخالفة على سيارتي
بقيمة ألف درهم و12 نقطة سوداء وغير قابلة للدفع
يعني السيارة بتنحجز؟
أو يحطون النقاط السود وعقب أدفعها؟
منو يعرف بهالموضوع يدلني ضروري
مع العلم إنو نوع المخالفة تجاوز السرعة القانونية بما لا يزيد عن 60 كلم/ بالساعة
يرجى المساعده ضروري
.
.
.
.
.
إخواني انا أدري إني كنت مسرع بس كان عندي ظروف قاهرة
شكرا لكل من يريد النصيحة والسموحة
أنا استوتلي نفس حالتك وسرت مرور دبي وفقروني بس ماعطوني نقاط سود قالولي اكراميه حقك لأنك دفعت وايد هههه
( اسولف )
بس صدق حالتي كانت نفس حالتك لكن ماعطوني نقاط سود مع انه المفروض يحطولي فقلت يمكن شفقوا بحالي …
بس لو السيارة ماتسوى فرها الحجز لو عندك سيارة 2
أخويه!
بـ النسبه لـ المخالفه..
كل المخالفات اللي في امارة بوظبي.. تتعدل!
إلا اللي على خط الخليج العربي.. ” شارع مصفح “
فـ اللوكـ فيهـا.. مايتعدل خير شر! الشارع الوحيد!
أما الباقـي.. تقدر ترتب .. انت وشطارتكـ .. يعني .. روح لـ قسمـ الطرق والهندسه ولا ادخل على أي ضابط وشوف ترتيبكـ ..
وأذا ماقدرت! .. ادفع 1000 درهم رسوم المخالفه و 3000 درهمت بدل حجــــــز ..
بس النقـاط .. بـ تنحط على ليسنكـ ! او اي ليسن شخص آخر.. بشرط حضوره وتوقيعه ..
وللعلمـ . .انه المخالفات اللتي غير قابله للدفع .. لاتنزل من قيمتهـا .. ” التخفيض اللي يسمى محكمة المرور
ونصيحتــــــــي..
ادفع الـ 4000 آلاف .. درهمـ .. وخذهـا.. درس .. ولا ترمس حد! يعني لا تدخل على أي ضابط ! ماتسوى..
وبـ النسبه لـ 12 نقطه .. تراهنـ .. ينشلن بعد مرور سنه على المخالفه .. اتوماتيكـ ..
“
مخالفات اللك ماتروح النيابه المخالفات العاديه فقط
الله يعينك روح محكمة المرور بينزلك ان شاء الله