هلا والله

بغيت استفسر عن تركيب المخفي الغالي اللي جيمته الف وشي ……ويقصونه بالكمبيوتر مايستخدمون امواس

اللي عنده فكره ايخبرنا وين المكان وشو رايكم في المخفي اوكي والا يعني والا ماينفع

لاتبطون

مشكورين ماتقصرون

14 thoughts on “أستفسار عاجل عن تركيب المخفي في دبي اللي بالكمبيوتر”

  1. اسمه v-kool هب v-cool ….
    الصراحه انا اركب اي مخفي .. لاني بين فتره وفتره اركبه
    حرام ادفع 3000 و4000 عشان اسبوعين ولا كم يوم ..
    واشوفه زين وعادي شرات كل مخفي

  2. v-cool- solar gard >> لمسات ; كلهم يستخدمون نفس النوعيه ..
    مره سرت عند واحد من اللي قلت اسمهه .. حطيت مخفي ويلست اسولف ويا الريال وخذنا ع بعض وعطاني دسكونت كبير .. وسألته ابصراحه كم يكلفك المخفي وليش في انواع وايد …
    قال كل الشركات المخفي تستخدم نوعين او ثلاث من بس يحطون اسم الشركه ع المخفي اونه اسبشيل وتركيبه ع سياره فورويل يكلفهم 500 درهم فقط بس هم يقولون 3500
    قلتله ليس جي وايد قال لو انا رخصت غيري ما بيرخص.
    قتله بس شي بيونك زباين اكثر … تعرفون شو رد علي ( والله اني استغربت من تفكيره)
    قال الزبون قبل لا يركب راح يسأل ويتحرى الاسعار اذا شاف عندي انا ارخص راح يقول انه النوعيه اللي عندي تعبانه و ما راح يركب عندي و راح يسير عند الغالي لانه يتحراه نوعيه افضل ..
    صدقه بس الصراحه انا الموتر كل 3-4 هور احب اسوقه بدون مخي لفتره ف لم ركبته خليته سنه ونص وعقب شليته …
    اذا تبا نوعيه زينه انا قالولي انه في محطه الامارات اللي في القرهود عندهم نفس الطريقه وراح يكلفك بحدود 900 درهم ..

    الله يطول فعمار المقصه

  3. v-cool- solar gard >> لمسات ; كلهم يستخدمون نفس النوعيه ..
    مره سرت عند واحد من اللي قلت اسمهه .. حطيت مخفي ويلست اسولف ويا الريال وخذنا ع بعض وعطاني دسكونت كبير .. وسألته ابصراحه كم يكلفك المخفي وليش في انواع وايد …
    قال كل الشركات المخفي تستخدم نوعين او ثلاث من بس يحطون اسم الشركه ع المخفي اونه اسبشيل وتركيبه ع سياره فورويل يكلفهم 500 درهم فقط بس هم يقولون 3500
    قلتله ليس جي وايد قال لو انا رخصت غيري ما بيرخص.
    قتله بس شي بيونك زباين اكثر … تعرفون شو رد علي ( والله اني استغربت من تفكيره)
    قال الزبون قبل لا يركب راح يسأل ويتحرى الاسعار اذا شاف عندي انا ارخص راح يقول انه النوعيه اللي عندي تعبانه و ما راح يركب عندي و راح يسير عند الغالي لانه يتحراه نوعيه افضل ..
    صدقه بس الصراحه انا الموتر كل 3-4 هور احب اسوقه بدون مخي لفتره ف لم ركبته خليته سنه ونص وعقب شليته …
    اذا تبا نوعيه زينه انا قالولي انه في محطه الامارات اللي في القرهود عندهم نفس الطريقه وراح يكلفك بحدود 900 درهم ..

  5. في برجمان في المواقف شركة M3 عندهم كبينه وموظفين يركبون المخفي في خلال ساعه ويمكن في خلال هذي الساعه تتسوقين في المركز
    مكانهم في المبنى الجديم البوابه الخضراء
    ولاتنسيني اذا اشتريتي شي من المركز

Comments are closed.