موضــوعـي اليووم هو رســالة لكــل شاعر في مسابقة شاعر المليون ولكل شخص مهــتم بالمسابقة .
لاحظنــا .. عند تأهــل احد المتسابقين او خروجه من مسابقة ( شـــاعــر المليــون ) قــولـه ( اشكر كل من صوت لي من قبيلتي الفلانيه )
طبــعا مافيها شــي انه الواحد يشكــر النــاس اللي صوتوا له ووقفو معــاه … لــكــن الجمــله هذي تؤدي في اغلب الاحيــان للتعصــب القبلي , ومسابقة شــاعر المليــون هي ساحة للشعــر الجميــل وكل ما هو جميــل يتنافس فيها الشعراء بقصائدهم على اختلاف رسائلها السامية .
لمــاذا نلــوث الشــعر الجميــل بمثــل هذه الجمــل البغيضه ,, نعم بغيضــه لانها تؤدي لشي بغيض وهو التعصب القبــلي , وهو ايضا امر نهانا عنه ديننا الحنيف ونبينا الكريــم محمد صلى الله عليه وسلم .
الشــعـــر رسالة سامــية , فالرجاء عدم تلويث هذه المسابقة الراقية بمثـل هذه الجمــل البغيضه .
يعجبني وقـــوف البعــض مع كــل شــاعر يقدم شعــرا جميــلا .
ولا يعجــبني تصــويت البعض للشاعر فلان او الشــاعر عــلان فقط لانه من ابناء قبيلته , بغض النظر عن مستوى قصائده .
في النهاية اتمنى من الجمــيع ان يقفوا ضد التعصــب القبلي .
اخوكم احمد بن خلفان
السلام عليكم ورحمة الله وبركاته
بالنسبه لانه يقول شكرا للي صوت لي من قبيلتي هذا شي عادي وهالعباره سمعتها في برنامج (الميدان) هب شاعر المليون
واذا ينا ع بن حماد فاللجنه هيه الي رشحته هب الجمهور
وبغض النظر عن القبيله كلنا عيال دوله وحده
مشكوور على ردك يا خويه …
دام انه هـذا رايك خــلاص .. ماله داعي الشعراء يقدموون قصيد لانه كل الشعراء اللي وصلو مرحلة ال 48 شعــراء من الوزن الثقيل ومميزين فعــلا واللجنه اعترفت بهالشي ..
ليش ما يقولون هذا الشاعر من القبيلة الفلانية وهذا من القبيلة الفلانية وكــلن يصــوت لولد قبيلته وينتهي الموضوع ويفكــون الشعراء من تعب كتابة القصايد .
الرد بتشوفه في الموضوع الي توه واحد من الشباب سواه
يقولون شجعوا الشاعر الاماراتي بن حماد الكعبي
كلهم طاحوا في البرنامج والشاعر ,,,
فالرجل بيعتمد على قبيلته شي اكيد
,,,
وانا مع القبليه ,, وهذا رأيي الخاص ,, اقدر اختلافك معي فيه
بصراحه طريقتك في الرد ان دلت فهي تدل على فهم وادراك عميق للأمور .. مافيك حيــله
خذ لك لفه عالمنتديات .. وبعدين شغل التلفزيوون وجوف قناة شاعر المليون واقرى شريط الجات في القناة .. يمكن بتفهم قصدي يا اخي العزيز .
ماقصدت اني اعتــرض على مدح الشاعر لقبيلته في اي قصيده يعدها .. بالعكس هذا واحد من اهم ركائز الشعر وهو الفخر بالذات وبالنسب .
لكــن انك تلقــى اللي يصوت للشاعر الفلاني لمجرد انه من ابناء قبيلته .. هـــذا غلــط واكبـــر غلــط … لانه المسابقة هدفها تقــديم الشعــر الجميــل .
كيف التعصب القبلي
شو تقول انت
لا تعصب قبلي ولا هم يحزنون
كل واحد يمدح قبيلته ومافيها شي
اسميك سويت سالفه من لا سالفه