هذي بعض كذبات الشباب على البنات < أتمنى انهاتعجبكم .. يمكن ما تكون جديدة عن البعض بس عجبتني > ..

1ـ حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات الطايشه..
(( باااااااااين وانت كل بنات العالم يعرفونك ))

2- مادري حبيبتي احس اني اعرفـج من زمااان
(( لا يمكن ملخبط بينها وبين وحده كنت تعرفها اول .. يخلق من الشبه 40))

3- حبيبتي احس انـج غير عن كل البنات احس انـج مختلفه وغير عنهم
((ليش فوق راسها ريشه و لا من كوكب ثاني ))

4-حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحانالله اخوها في الاسلام لازم يكون في شبه ها ها هاااي ))

5-ياليتني ياقلبي عرفتـج من زمان
(( معليش كان عندك زحمه ))

6- حبيبتي انتي تامرين ياقلبي امر .. كل اللي تقولينه البيه
(( ايه في الاحلام اكيد يا سوبرمان زمانك ))

7- حيااتي ابيـج تتغطين زين عشان ما احد يشوف شي منـج غيري لاني اغااااار
((لا يا حرااااام الغيرة حرقة قلبك حرق ))

8- ابجي اخطبـج من اهلـج بس بعد ما اكون نفسي
(( انطر يا حمار لا جاك الربيع))

9-يا قلبي ابى اشوفـج باقرب وقت ماقدر على الشوق اللي ذبحني
((يبى اصحابه يتأكدون انها حلوة ))

10 – انااحب الشعر ومن هواياتي الرسم والسباحه
(( لا رومنسي الحبيب ))

11- حبيبتي حطي في بالـج ترى انا اذا حبيت حبيت من كل قلبي
(( اقول بس اي قلب فيهم حشى مو قلب هذا فندق؟!!!! ))

12- علاقتي فيـج محد يدري فيها ابد لانها تعتبر من اهم خصوصياتي
(( بس عادي كل ربعــه يدرون .. لانهم مو اي احد ))

13- شكلي حبيبتي راح اطق لي جاكوار من الوكاله
((اذا مو كاميري موديل 90 من الحراج ))

14 – احتمال اروح سويسرا الصيف الجاي
(( ايــــــــــه هيــــــن <<<< بس قولها الجوال ماهو معمم لانه مايشتغل بالديره))

15- دايم اشتري عطوري من باريس غاليري
(( هذا اذا مب من سوق نايف))

16- لما اشوف رقمـج في فوني قلبي يفز من مكانه
(( اكييد .. خايف تكون كشفت ملاعيبك ))

17- فلان قاللي اعطيه رقمـج .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمهاوقصتها المسكينه ))

19 – حبيبتي ابغا صورتـج اخليها عندي عشان قبل ما انام اشوفها واحطها تحت راسي و انام
(( لا وانت الصادق عشان يوم تمل منها تهددها ))

20- اسف حبيبتي امس ما اتصلت عليـج بس كنت مشغووووول مررررة مع الدراسه
(( باين يانيوووتن انـــــــــت ))

21- تدرين حبيبتي انا دايما البنات في المجمعات يطلبون رقمي … بس انا ماعطيهم فيــس دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني فــــيس ))

22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيـج
(( ايه صح تذكر موعده مع ربيعته الثانيه اللي واعدها 10 مرات وخلف وعده ))

23- امس مانمت… طول الوقت افكر فيـج… اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاً ))

24- انتي احلى بنت شفتها بحياتي ماظن القى وحدة احلى منـج
(( ليش متعرف على ملكة جمال الكون واحنا ماندري؟؟ فرحها المسكينة))

25- الظاهربشتري كمبيوتر جديد… كمبيوتري صار له شهرين معاي وكمبيوتراخوي مايعجبني والكمبيوتر الثاني ماتأقلمت معاه

((ماشاء الله وكالة كمبيوتراات ….اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته))

تحياتي .. في انتظار ردودكم ..

9 thoughts on “أشهر 25 كذبة عند الشباب ..”

  1. على السريع كذبات البنات

    1_حبيبي انت اول واحد أرمسه في حياتي كلها ماادري ليش

    ومناك انت الواحد بعد المئه ياحليلك 2

    حبيبي ممكن تعبيلي رصيييد

    وهاي الكلمه تنقال عشر مرات اقل شي في اليوم خخخخخخخخ من كثر ماتعودت عليها عادي تقولها شحالج ترد عليك رصيييد الحمد لله

    3حبيبي عندك سلف ألفين

    ومناك يبئ ابلني لو شفتها

    4حبيبي انا وايد احب عطور باريس غاليري يعيبني دوم اتشرى من عندهم

    ومناك حدها محلات تحت الجسر وتشتري وتحاول تسجل حساب بعد

    5حبيبي عندي مفاجاه , باجر عيددددددد ميلادي

    وطبعا طول ايام السنه عيد ميلادها عسب تحصل 365 هديه في السنه

    6حبيبي انا وايد حساسه تراه ومااتحمل الكلمه اهئ اهئ اهئ

    ومناك قلبها حديد وتضرب البشاكير وتهزب الدكاكين وتخوف اليهال

    7حبيبي هالسنه بنصيف في أوروبا اوووف مااتحمل الحر في البلاد

    ومناك حدها توصل البريمي وتعطيهم جوازها يوم ادش وتقولهم دخيلكم ختموا علي عسب تكون سافرت صدق

    8حبيبي انا وايد مدلعيييني في البيت فوق ماتتخيل حتى

    ومناك يكرفونها كراف من الصبح تنش وتنظف الحوش وتسقي النخل وتسوي ريوق لليهال وتلبسهم وتوقف وياهم للباص وكل شغل البيت عليها وتنكرف لين ماترقد

    9حبيبي انا اخاااااااااف لا تيبلي طاري السماسيم اتروع اووووووووويه

    ومناك هي بيتهم كله ثعابين وفيران وهي المسؤوله عن إبادتهم وقتلهم

    10حبيبي تصدق الشباب مايخلوني في حالي كل مااسير مول يصفون طابور وراي اوووف تعبت

    ومناك هي تكشخ وتتعدل وتسير المول و تعق النظرات والبسمات والتلميحات وماتلقى حتى ابتسامه لو بالغلط وترد موووحبطه البيت وتقص على حبيب الغفله

    11حبيبي انا وايد رشيييقه واهتم بأكلي وجسمي وكله سبوورت وايروبيك وسباحه

    واخرتها تظهر درااااااااااااام وماتروم تمشي من المتن وبكل بساطه بتقولك ضرربتني عين ونشيت حصلت عمري جي

    12حبيييييييييييبي انا مااحب المظاهر ابدا ومااهتم بهالسوالف

    ومناك اول ماترمسك كم عمرك و شو سيارتك وكم راتبك

    13حبيبي تدري من عرفتك فوق العشر يو اجدموولي بس رفضتهم عشانك

    ومناك هي محد شبر صووبهم ولا قرب

    14_حبيبي ليش احس اني نصك الثاني وتوأم روحك

    لا والله محد قال هالكلام غيرج يابعدهم

    15_انا هواياتي الرسم والتصوير

    ومناك من صغرها تلعب مع عيال الفريج موته وتضربهم

    والقائمه تطوووووووووووووووووووووووووول

  2. أشكر الجميع ع المرور .. وأشكر من جمل صفحتي بردوده .. وعسى الضحكة دوووووووووووووومها ع الويه السموووح ..


  3. هاي تمام ممكن رقمها لو سمحت

    اضحك الله سنك اخي طيب لا قدر الله لو زنوا ( والعياذ بالله) شو راح تقول له تعال عالقاضي خلي يقيم علينا الحد

    – – – – – – – – – – – – – – – – – – –

    أبشرك أخوي ..

    لما يزنون ( والعياذ بالله ) تقوله .. يللا خلنا نرد البيت بسرعه عشان نلحق نتسبح ونلحق ما فاتنا من صلوات هههههههههه ..

    عالم تخاف ربها .. ما يقولون الدنيا بعدها فيها خير …

Comments are closed.