السلام علييكم أخواني حبيت فهالموضوع أعرض مقارنه بين الرنج السبورت والعادي الفوج من كل النواحي عسب الكل يستفيد …..
1- الصيانه والخرابات وقطعا لغيار…
2- الاستخدام والراحه من حيث السواقه والكراسي والهييبه فالشارع..
3- عند اعادة البيع مرغوبه اي وحده اكثر وتحافظ على سعرها..؟؟؟
اممممممم اثنينتهم حلوين اما نفسي ما انصحك تشتري فوج لان على كلام وايدين (في بعض منهم يشتغلون في قسم المبيعات) شكله بيتغير عقب سنة او سنتين بالكثير. اما سبورت شكله ما بيتغير الا بعد 2012.
تراني من اكبر المعجبين برنج بس صراحة صراحة السيارة موول ما تحافظ على السعر واذا انته من نوع الي بيمل من الموتر بعد سنة سنتين احسن لك تشتري سيارة فخمة يابانية شرات لكزس او اكيورا او انفينيتي …
وسمعت قصص رعب عن سرويس وكثرة تعطل الرنج. لو انته راكب السيارة بوحدك … عادي تتحمل راكب وياك الاهل الله يعين ….
بالنسبة للاسبورت السيارة شبابية من الدرجه الاولى ولي مطمع الشباب فيه الضمان 5 سنوات بس لاتستغرب الموتر يطفي عليك في الشارع ويحرجك
يوم تروح لكراج وكالته ياكثرهن واقفات للتصليح شي مكيف وشي درامات ويل وشي جير وغير ذلك أما البيع ماينزل سعره وايد عكس الاودي والجاكور والامريكي
– الصيانه والخرابات وقطعا لغيار…اهل الخبرا ادرى بهالشي بس اتوقع ماتفرق بقطع الغيار وايد وارد واقول اهل الخبرا ادرى
2- الاستخدام والراحه من حيث السواقه والكراسي والهييبه فالشارع..من ناحية الاستخدام والراحه اتوقع نفس الشي بس من ناحية الهيبه الاسبورت طغى شوي والسب انه نزل الاسواق في محاولة انه يغطي عى العادي وموديلاته احدث
3- عند اعادة البيع مرغوبه اي وحده اكثر وتحافظ على سعرها..؟؟؟
مابينهم فرق الرنج بشكل عام سوا كان عادي او سبورت كله سعره يطيح مثله مثل باقي السيارات الاوروبيه
بس من وجهة نظري ان السبورت احلا شكليا وهيبته اكثر من الفوج خصوصا للشباااااااااب
صح كلامكم اخواني الرنج كلاسك يعني واحد يظاغط ومايهتم فالموتر ماينفعه