أطارات النيتروجين و إطارات الهواء

9 thoughts on “أطارات النيتروجين و إطارات الهواء”

1. تسلمون يا جماعة ع هالمعلومات

   بس أنا سمعت إنه ممكن الاطار ينفجر

   وبعد سمعت إنه ما ينفع في جونا ( الجو الحار )

   انتوا شو رايكم

   بخصوص انه التاير ينفجر في انك تستعمل النيتروجين فهذا كلام خرطي

   بالعكس التاير يرتاح وي النيتروجين

   بتقولي ليش

   بقولك لانه الهواء العادي تتغير درجته

   بمعنى انه اذا عبيت هواء عادي الصباح ودرجة حرارة الجو الصبح 29 فراح يكون متوسط الحراره فصباح الوسط

   ام الظهر فبتكون حرارة الجو 45 مثلا فبيكون الهوا الي فتاير حااار لاهووب

   ام النيتروجين حرارته ثابته كان الجو حرارته صفر ولا كان حرارته 60

   فهو حرارته ثابته وهو الي تعيش معاه التواير اكثر

   واذا بغيت تركب افضل تركب على تواير يداد واحس مكان تعبي فيه نيتروجين المسعود ( برجستون ) 5 تواير ب100

   ولاتركب عند الايرانيه لانه بيقولك عندي نيتروجين وهو كذاب بيكون هوا عادي ام المسعود مضمون

   بتشوفه سلندر عود لونه ازرق بيعبيلك منه مب من مكينة الهوا الحمرا الاسطوانيه الي عند الايرانيه

   وبين فتره وفتره تجيك عليهم عندهم مجاني اذا فيهم نقص او لا

   بس مايستويلهم نفص اذا الجلفه جديده والابره جديده

2. تسلمون يا جماعة ع هالمعلومات

   بس أنا سمعت إنه ممكن الاطار ينفجر

   وبعد سمعت إنه ما ينفع في جونا ( الجو الحار )

   انتوا شو رايكم

3. النتيتروجين أفضل بوااايد بس اخونا vip مثل ماقال ما شي عندنا في الاسواق وايد عدد قليل…

4. النتيتروجين اخوي أفضل ولكن نحن بالدولة عندنا مشكلة
   أنا قبل فترة كنت مركب هواء نيتروجين ومن مميزات النيتروجين أنه ما ينقص بالإطار بس لاحظت ظهور إشارة نقص الهواء بأحد الإطارات

   وكنت في منطقة نائية إتطريت اسوق اليارة لبوظبي عسب أعبي نيتروجين ما حصلت حد يعبي لي إلا بمصفح. فا قمت وأفرغت الإطارات من هواء النيتروجين وعبيت هواء عادي من شيشة البترول .

   المشكلة : عدم إنتشار هذا النوع من الهواء في أسواق الدولة … يعني أماكن معينة فقط هي إلي عندها .

5. الإطارات نفس الإطارات

   لكن انت اما بتعبي هوا او نيتروجين

   النيتروجين مقاوم للحرارة

   احتمال الانفجار في الإطار قليل جدا

   والله أعلم

Comments are closed.