طبعا في وايد…
الي اتذكره :شفت وحده في الغرير اتزحلقت و اتنقزت عشرييين مرة لييين ما طاحت ع ويها و كنت اراقب كل حركاتها و اهي تتنقز و من طاحت صديت يمين كأني ما شفت شي.يمكن كانت لابسه كعب 15 سم؟
و موقف ثاني في البورصه: كنا يالسين و فجأة سهم العربية الفنية وصلت 7:50 شفت كل الشباب الي يالسين ركض للوسيط تميت اضحك.و خبرت ناسدك بالموضوع.. قلت اكيد يوم الثاني نزول و فعلا نزل السهم.قالوا لي نصيييب الله ما كتب لسهم يرتفع؟؟؟!
و سلامتك يا دل بيرو هي نسييت يوم الشارجه فازوا ع النصر و خذنا كأس رئيس الدولة 4 و لا 5 مرات؟؟
هاهاهاهاهها
اسميج فضيحة
بصراحه انا صار لي موقف محرج وايييد .. انا فيني طبع مب حلو و مب قادره اغيره .. كل ما اشوف شاب اصد الصوب الثاني و يتغير ويهي و يبين علي انه متضايقه و شايفه عمري ( مع اني و الله متواضعه).. ما ادري ليش ممكن لانه استحي اطالع احد .. المهم كانت مره سايره المخبز بشتري كيك لحفله اختي الصغيره و انا داشه كان في مواطن انا اول ما شوفته طبعا اتغير ويهي .. يوم خلصه اشتريت و انا طالعه الكعب مسك علي طرف الدرج و طحت انا و الكيكه علي ويهي هههههههه الريال تم يلحقني بس علشان يرويني انه قاعد يضحك علي هههههه
من المواقف الطريفة أني مرة كنت متكشـــــــــخ ومترتــــــــــــــــــب
ولابس الكندورة الغاوية والعقال ابو طربوش ..
ودخلـــــــــــــت بنك دبي الإســــــــــــــــلامي
وكان عندي مبلغ محترم في الرصيد
وكان البنك كالعادة زحمــــــــــة
وكان الموقف عصيب لانه يوم الخميس وفي نفس الوقت أول الشهر ( زحمة وتدافع على الكاونتر )
وكان الصراف على الكاونتر شاب مواطن جديد
وكان مشغووووول ومرتبش في زحمة الناس وشكله جاااااااد لأقصى درجـــــــــــــــة
عطيته ورقة السحب ( وأنا ابتسم ) على أساس أسحب المبلـــــــــــغ ( وكان المبلغ كبير ) ..
قال لي الصراف بشكل جاد وبأسلوب قوي وعنيف : المعاملة هذي ما تمشــــــــــــــــــي !!
اتلخبطت .. انحرجت … ارتبشت …. قلت لـــــــــــه : ليــــــــــــــــــــــــــــــــش ؟؟؟؟
قال : لأن ما فيهــــــــــــــــــــــا ريـــــــــــــــــــــــــــــــــــــول
المهم ضحكت أنا … وضحك هو … وضحكوا الناس كلهم وكانت حركة حلوة لتلطيف الجو ..
وسلامتكم …
الحق دل بيرو
واخيرا حصلت لك واحد يوقف معاك
ما بغيت
, الدار, hameed, يورو ابوظبي, Layal, na9rawy, UAE NASDAK, uae88,
انا و بس
عسب شي انتي محطيه صورة المبرقعة المتينة و بضمير بعد (لووول)
الله يحفظلج الوالدة و يباركلج بعمرها
بو عبد الرحمن
اللي استوالك مسلسل مأساوي …
لكنك تؤجر على وقفتك ويا ربيعك و تعبك و انت صايم
فارس الإمارات
قصتك عجيبة غريبة
توقعاتي لباجي القصة:
1- طلعت عليك عصابة و خذوا بيزاتك
2- ما حصلت تكسي و تميت تمشي لين ما اغمى عليك (بعيد الشر)
3- نشيت من الرقاد و خلص الحلم (لووول) و هو الاحتمال الأقوى
بنت ابو ظبي
اشكر مرورج و في انتظار مشاركتج
روجر
و انا بعد شراتك يوم اكون في السوق و يوم يرتفع سهم معين فجأة اشوف اندفاع الناس بشكل يذكرني بمقصف المدرسة كل واحد يالس يقول حق البروكر
لو سمحت عطني 3 سندويشات فلافل اعمار و كثر الدقوس
عطنا همبورجر دبي الإستثمار مع مايونيز و كتشاب
لا تحط مخلل ويا شاورما العربية للإنشاءات
ياخي فكونا من سالفة الكورة
ياما الشارجة فاز على النصر و ياما النصر فاز على الشارجة … و لو تنباني بذكرك انا بعد بس هاي الصفحة للمواقف الطريفة