أعتذر عن موضوعي السابق ظلمت طيران الامارات آسف
كتبت موضوع سابق عن طيران الامارات وطلبت مسحه في نفس اليوم لاني كنت معصب وأنا
أكتب هههههههه مره ثانيه يوم بصعب مب يالس على النت
السلام عليكم و رحمه الله وبركاته يا ae_dxb,
الموضوع الذي انشأته لقد تم حذفه
—–
الموضوع: بعد سنوات من البطالة بفنش من طيران الإمارات
المنتدى: المنتدى العام
السبب : بناء على رغبة صاحب الموضوع
شو اللي إستوا اليوم الصراحة شيء ماتوقعته لانهم إتصلوا فيني 10 مرات أو أكثر عشان أي أتفاهم وياهم وأقابل
المدير مارديت عليهم اليوم سرت قتلهم بستقيل بفنش قالولي مافيه شيء عندنا إسمه بستقيل وأكثر عن موظف
كلمني قالولي اذا ماعيبك التدريب عادي بنعيده مره ثانيه وقالولي اذا تبا تغير مكانك عادي بنغيره وقالولي متى تبا
ترد أداوم الصراحة كلامهم كان وايد مشجع إني أستمر قتلهم بداوم من باجر وقالولي
كل مشاكلك بنحلها وحتى قالولي مب عذر إنك ماتعرف إنجليزي عشان ماداوم في المطار عادي بندخلك كورس
إنجليزي عدنا في الكليه ورمسوني عن المدراء الكبار مروا بنفس المشاكل في بداية حياتهم العملية
أنا رديت أفتح موضوع لان الأعضاء يزاهم الله خير تفاعلوا ويالموضوع السابق في 3 صفحات
فعشان جيه قلت لازم أفتح موضوع وأتاسف عن اللي بدر مني وعن اللي قلته الجماعه ماقصروا حلوا كل مشاكلي
وقالولي قول كل شيء عن مشاكلك لاتخلي شيء بنكتبها وبنحلها والله إنهم ماقصروا أنا مادري اذا
قروا موضوعي السابق أو لا بس من شكل تفاعل الإدارة وياي شكلهم وصلهم شيء عن اللي كتبته
وأن أكرر إعتذاري لتسرعي والكتابه في لحظة غضب
هذا الرابط حق اللي يبون يقدمون يبون اللي عندهم ثانويه عامه بتمرون بصعوبات بس الصبر مفتاح الفرج وإتحملوا
تعصبون وإتضيعون فرصة العمر اذا كانت المشكلة شفتات فتقدرون تبدلون وياربعكم في الداوم
مع طيران الامارات لامشاكل بعد اليوم ههههههه
موضوعي السابق طلعته من قوقل نسخة مخباه ههههههههه لاتقرونه يفشل 20 يوم وينمسح من قوقل
ههههههههههه الدنيا تجارب والواحد يتعلم من غلطته ^_^
اخوي انا اعرف واحد عنده ثانوية عااامة ومتخرج من سنة 2001 ما ادي بيحصل عندكم ولا؟؟
الريال الحين قاعد ياخذة دورة
Isdl
وقريب يخلص
تتوقع بيقبلونه ولا يباله وااسطة؟؟
على فكرة
حلو الاعتراف بالخطيئة..
وتعجبني شجاعتك وصراحتك ..
الله يوفقك..
بالتوفيق اخوي,
وتم في شغلك, ترا هالاجانب اللي فوقك انت وغيرك من المواطنين بتاخذون مكانهم, عشان جي يبون المواطنين, بس يبونهم اكفاء.
هذي الظاهرة موجوده في كل مكان عمل.
كم الرواتب اليي يعطونها الطيران اللي في الموفع
ربي يوفقك ياخوي
وعقبال ما نشوفك مدير بالطيران بس انت شد حيلك بالانجليزي ترى والله تحس بمتعه وانت تتكلم
وحاول انك تاخذ شهادات وكورسات قد ما تقدر
وربي يسهل عليك
جميل جدا ان يعرف الانسان انه اخطأ
والاجمل…ان يعترف بهذا الخطأ ويتراجع عنه
شجاعة كبيرة منك اخوي انك تعترف انك اخطأت في لحظة غضب وقررت تراجع نفسك.. خوفا من ظلم احد
احييك على موقفك… وفقك الله في عملك ان شاء الله