أعمار .. تخالف وتعكس التوقعات وتقلب الموازين وتوظف مواطنين .. بس للاسف ؟
و بعد الاوراق و المواصفات و المؤهلات المطلوبة للتوظيف وكلها عادية ومقدور عليها .. و للحين انا ماشي في الاعلان تمام … و في النهاية كسر خاطري … العنوان …:
( يرجى مراسلة ( ليزار ماراماو ) مديرة التوظيف في مجموعة أعمار لمراكز التسوق ؟
الحينة منوه هاي ليزار ماراماو ….؟؟؟ وشو السالفة .. وين عيسى وخالد و عبدالله وين عليا ومريم و فاطمة …معقولة نحن ما نفهم في هاي الوظيفة ولا صعبة يعني؟؟؟
المهم خلاصة الموضوع اذا وظفتكم .. ( ليزار ماراماو ) ….فيها الخير و البركة .. و الله يكثر من امثالها …
…
الله يخليج ( ليزارماراماو ) وظيفينا حرام عليج والله بنكون مؤدبين و بنداوم من وقت وما بنسوي حشرة و بنلبس كندورة مكواية … و بنتم ساكتين طول الوقت الله يخليج وظيفينا ما بندش على المسنجر من الدوام ..
بصراحة سؤال مهم ذكي ارجوا الاجابة عليه
هاي الي اسمها ليزا مديرة توظيف من جنسية اوربية بنت صغيرة يمكن 25 سنة عمرها المهم انا رحت المقابلة عندها انا عندي ثانوية وعدة شهادات وخبرة 8 سنوات اونه قالت نباك حق الاستعلامات ودوام شفتات ويوم واحد اجازة وانته مواطن مانعطيك بدل تذكرة ليش نعطيك تذكرة وانته فبلادك وين تروح ؟وبنشوف عن التامين بس ما اوعدك !خليتها على راحتها ووافقت على كل شي اخر شي قالتلي خلاص انتهت المقابلة سالتها ممكن اسال عن الراتب قالت اوه ايم سوري لانه اتكلمنا عن ها الشي اتفاجات انه الراتب 10 الاف .خبرتها اني استلم اكثر من ها الراتب ووظعي وخبرتي اعلى من ها الوظيفة قالتلي ها الي متوفر حق المواطنين !سالتني موافق على الراتب قلت لا مب موافق يوم قلت مب موافق اتنرفزت وعصبت شلت الاوراق من على المكتب وطلعت !!!وانا مبتسم .واقول حمد الله ماداومت عندهم .سبحان الله شركة كبيرة مثل اعمار الوضايف الصغيرة رسبشن بدالة سكيرتي بس باقي ويترس ودريولية حق المواطنين والمناصب الكبيرة القيادية والرواتب والامتيازات حق غيرنا !!!! ليش بس ممكن اعرف ليش واقول فخاطري احتى لو اشتغل المواطن يلعوزنزنه ويبهدلونه لين مابروحه يطلع !سبحان الله شو صار في ها البلاد وين كنا وكيف صرنا !مرات اقول ان شاء الله ينزل الاقتصاد اكثر واكثر واكثر عشان يطلعون من بلادنا ونفتك من بلاويهم ومشاكلهم وزحمتهم هذا الي فخاطري وقلته لكم وسامحوني
اعمار = دمار
شركة اعمار عينت قبل فتره مدير لنادي اليخوت انجليزي وكان سابقا محرر في احدى الجرائد الانجليزيه الصادره في دبي وتم فصله من العمل لسوء سلوكه بس لأنه انجليزي تم تعيينه في اعمار وبهذا المنصب وطايح بالمواطنين اصحاب الطرادات واليخوت
وكأن دبي بلادهم
كل زبال مب لاقي شغل يابوه وحطوه مدير
يمكن يرغبون بتعيين سواقين مواطنين للأجانب
وين arwa ترد على هالموضوع؟