السلام عليكم جميعا
سوف أضع تحليل لسهم أعمار لقناعتي بأن هذا السهم هو محرك السوق سواء في الارتفاع أو النزول
ولا أعتمد نهائيا على المؤشر العام لان كثرة التلاعب في المؤشر واضحه
طيب سوف أرفق شارتات للديلي والويكلي والمنثلي لآعمار وسوف أرفق مؤشر الماكد الصادق في التحليل
الفني
في البدايه سوف أرفق شارت يبين بعد تداول يوم الخميس وظهور شمعة المطرقه وانتم تعرفون هذي
الشمعه عند ظهورها وخاصة بعد مسار صاعد ولتأكيد سلبية هذي الشمعه ظهور شمعه سوداء اليوم الذي
يليه
[IMG]
[/IMG]
هذا شارت ديلي لاعمار
طيب سوف اشرح تداول يوم الخميس وصول سهم اعمار لمستوى 15.60 والتراجع لمستوى 15.10 تقريبا
وظهور هذي الشمعه شمعة المطرقه نظرا لتشبع المؤشرات الفنيه للشراء يجب ملاجظه النقطه 15.10
يجب ان تكون داعمه للسهم في الايام القادمه تراجع السهم والاغلاق اسفلها يقود السهم لمستويات 14.75 و14.55
من وجهة نظري الارتفاع الذي حصل لاأعمار من مستوى 11.80 لمستوى 15.60 تعتبر جيده لصانع السوق
لجني أرباحه لمستويات تقريبيه 13.50 قد يقول لي البعض كثير
حتى نصل للهدف المنشود 19 و20 درهم لابد من التراجع والتمركز واخذ مراكز جديده للأنطلاقه من جديد
لمستويات اعلى من15.60 والتحرك لفضاء 20 درهم وانا اتكلم عن سنه جديده بطولها نحتاج لوقت طويل
طيب سوف نذهب وناخذ شارت ويكلي لآعمار
[IMG]
[/IMG]
هذا شارت ويكلي لاعمار وفيه الشرح المبسط لاختراق مستوى 15.60والاغلاق فوقها وعدم التراجع منها
يذهب للهدف المنشود الايجابيه لازالت على الويكلي ولكن نحتاج لبعض الوقفات والاستراحات لكي
ياخذ السهم انفاسه وينطلق وهذا يقع على فكر صناع السوق واهدافهم القادمه
طيب نرفق شارت منثلي لآعمار ونشوف
[IMG]
[/IMG]
شارت منثلي موضح فيه المطلوب
طيب خلونا نرجع لشيخ المحللين الماكد شو يقول برفق لكم ماكد ديلي وويكلي وومنثلي لاعمار
وكل واحد منهم يحكي عن نفسه
نقطه مهمه عند التحليل كل ماكان الفريم الاكبر ايجابي كل ماكانت مصداقيه الصعود اكبر المنثلي على
اعمار في بداية التقاطع وهذ الاهم في وجهة نظري لتحديد ملامح الانطلاقه [IMG]
[/IMG]
وهذا الماكد الويكلي
[IMG]
[/IMG]
وهذا الماكد المنثلي والاهم
[IMG]
[/IMG]
طيب نرجع شوي وبرفق شارت يوضح الدايفرجنس السلبي على مؤشر الماك والار اس اي في حال تراجع
اعمار ادنى من 15 يجب ان لانغفل عن الدايفرجنسات لان هذا علم والذي طرح هذي الفكره يعتبر
انسان محنك لاستخدامه هذي النظريه طلوع السهم ونزول الماكد وبعض المؤشرات يجب مراجعه درس
الدايفرجنسات للي دخل دورات فنيه وعم الاغفال والاستهانه بها
مناطق التراجع المتوقعه لسهم اعمار من وجهة نظري
1 14.75
2 14.55
3 14.20
4 13.90
5 13.65
هذي المناطق بعد الصعود من مستوى 11.80 الى مستوى 15.65 تقريبا 3ونصف درهم تقريبا
تعتبر ربح كبير لآصحاب المحافظ ولو حصل تراجع وبيع للمستويات المذكوره وتفريغ المؤشرات واخذ مراكز
جديده للتجميع سوف تكون الاهداف المنشوده القادمه مع بداية السنه الجديده قد تحققت بأذن الله
تبقى هذي وجهة نظر قابله للنقاش والاستفاده وهذا والله نعالى اعلم
ودمتم بود
افا ياطواش انته كنت ترد على الموضوع وعلى التحليل اللي كتبته وقلت انا في التحليل السابق هدف السهم في النزول وتقولي ماتابعت
يعني لو كنت متابع وطبقت اللي قلته كان الحين انته ربحان وبايع في العالي وتنتظر وقت الدخول القادم
على العموم الفرص قائمه الهدف قائم بس ننتظر التفريغ النهائي للمؤشرات حتى انه يكون الارتداد بقوه
للأعلى بعد التجميع عند مستويات ستلاحظونها خلال الفتره القادمه
ملاحظه أكررها بعد اللي فاته التحليل حتى انه يفهم وجهة السهم القادمه ارجو مراجعة الصفحه الاولى
لاخر صفحه للأستفاده
ودمتم بود
الاخت ظبيانيه الطمع مشكله كبيره اختي يعاني منها الكثير
على العموم تابعي التحليل اللي بحطه سواء كان اليوم او باجر وركزي زين نحن قرب قاع جديد والسهم هدفه
القادم بالقرب من 17 درهم بأذن الله واذا حابه تطلعين من السهم بأقل خساير على اقرب ارتداد قادم
وارتداد لتصريف باقي الكميات ممكن تطلعين من السهم وتتابعين معانا وقت الشراء التدريجي في السهم
ومن بعدها تمسكين على السهم لمدة شهرين وانتي بتكونين ربحانه ربح مجزي بأذن الواحد الاحد
تحياتي
اخوي بوراشد لاتحاتي ولاتخاف السيناريو اللي اقصده مش وقته الحين نحن بعد النزول والاستقرار
بعطيك وجهة السهم لحد وين بيوصل المره القادمه يعني لحد شهر 4 وانا ابغي اشوف وين بيستقر السهم
وعليها بقول السيناريو اللي بيحصل قبل الاجتماع في حال وزع ام لم يوزع لاتحاتي الامور طيبه اخوي
لا
السلام عليكم
شكرا لك اخ كرووم على تحاليلك المبدعة
للاسف انا ما انتبهت للموضوع الى في اخر كم رد
بالنسبة لي عندي كمية من اسهم اعمار كنت شريتهم على 13.80 و لما ارتفع السهم بعت على 15.25
حلو ؟؟
لكن
الطمع غلاب
شفت السهم يصعد قلت لا خلني اخذه قبل لا ( يطير )
و خذته على 15.40
و عقبها بدا السهم ينزل نزول تدريجي
و صار يوم الاربعاء انه هوى لين 14.70 بس ما بعت
و يوم الخميس
شفت السهم يصعد ثانية ووصل لين 15.05 و هني حرت ؟؟؟ ابيع ما ابيع
و للاسف انشغلت في شغلي في الدوام
و لما رجعت تفاجأت بسقوط عامودي للسوق
ووصل لين 14.40 و هني فكرت ابيع حتى لو بخسارة لكن سكر السوق قبل لا احط طلب البيع
المهم انا محتارة هل اصبر كم اسبوع لين ترجع ترتفع الاسهم ؟؟ و اعتبر نفسي مستثمرة في اعمار
و لا ابيع في نقاط المقاومة اللي ذكرتها مثلا ( 14.75-14.95 ) و انسحب حتى اشعار اخر ؟؟؟؟؟؟
نتمنى نشوف وجهة نظرك اخ كروم
علما اني مو مستعجلة على الفلوس و الحمد لله ما احتاجهم في شي حاليا