يالله بالستر من اللهاطه ما صدقت تلفوني يرن من عقب فتره طويله من السكوت
ولا اشوف un known number … اقول في خاطريه يا حليلهم هلنا اللي في ألمانيا متصلين ينشدون عني … من سبوع ما رمستهم … المهم .. جان ارد … ولا واحد … السلام عليكم يا اختي … انا فاعل خير … وابغي اساعدج باسرع وقت …
قلت خير اللهم اجعله خير .. شو مستوي … قالي يا اختي في الله … انه لك صديقه ورفيقت دربك لكنها ما تحبك ولا تبالك الخير ومسوتلك عمل … وانتي رزقج مربوط وهي اللي رابطنه لانه عرفت انه عندي 50 مليون دولار …
اشــــــــهد 50 مليون … ودولار بعد .. وانتي تدعين الفقر عشان جيه انا لازم ابطل العمل … عاد انا متفيجه في خاطريه اتمصخر شويه من عقب ال 50 مليون دولار … قلتله أجل وما العلمل … وكيف ستبطل العمل … قالي ما عليك الا ان تحولي لي مبلغ بقيمة 50 ألف دولار … قلتله لو عندي 55 مليون دولار جان عطيتك 50 دولار … ولكنني فقيره لا املك دولار واحد مثل ما قلتلي اني ادعي الفقر وانا فقيره قلتله انزين عطني رقم الحساب وانا بتسلف من البنك وبطرشلك … ومسكين عطاني وانا سويت عمري اكتبه … وكل ساعه يتصل وكل ساعه يتصل وانا ما ارد عليه … المشكله الرقم هب ظاهر عندي ولا جان بلغت عليه …
خخخخخخخخخخخ عيل عندي 50 مليون دولار وانا مادري … ابدا ما عند امه ساااااااااااااالفه … يتحراني غبيه شراته … وفي حياتي ما تكلمت اللغه العربيه الفصحا واتكلمته ويا هالسبال …
خخخخخخخخخخخ
ذكرتيني بواحد داق ع الوالد والوااالد كان متفيج ذيج الحزة ،، الا و يرد عليه
واسمع
انزييين
أوكيي
حلووووووووووووو
هييه هييه اكيد افا عليك
وانا مبطله حلجي منو يرمس ابوي
عقب مابند تما يضحـــك قوله شو السالفه
يقولي حليله يقول حد مسوي لي عمل في شغلي مايدري اني متقاعد لوول
مساكين يكسرون خاطري يدورون على رزقهم و نحن نخسرهم مكالمات
ردي عليه .. قوليله يبون رقم حسابك الشخصي ورقم تلفونك و اسمك
من رقم الحساب بلغي عليه في الشرطه
واذا تهرب .. قوليله تعال الامارات يومين يبونك في موضوع هههه
هذيل دجالين انتشرت سالفتهم هالأيام .. الله يكفينا شرهم