السلام عليكم
اشحالكم ؟
ممكن اعرف وين احسن معهد في الامارات بين ( دبي والشارجه )
لاني محتاج معهد حلو ومنظم مب مثل باقي المعاهد اول ماتسجل يحترمونك عقب مايسون لك سالفه ويطشونك انا الصراحه سجلت في معهدين واحد مب منظم وماعندهم اوقات واحد افكر اني اظهر من عندهم لاني اداوم وابا ادرس في معهد عندهم اوقات معينه وجدولهم منظم
ابا اسجل في معهد ثاني
ممكن اعرف وين احسن معهد والصراحه ابا اتعلم اللغه الانجليزي في افضل معهد لانه في معهد همه البيزات
اتريا اشوف ردود الناس الطيبين الي فيهم الخير اصاحب الخبرات مابظني حد بيقصر ^_^
أنا أستغرب من الناس اللي تقول تعلم اللغة العربية تعلم ذاتي…ما يصير…!!!!!
اللغة الأنجيزيه لغة لها قواعدها وأساسياتها وركائزها…
إذا الأجانب بروحهم يالسين يدرسون لغتهم عسب يتقوون بها..
يعني إحنا عرب..خلاص ما له داعي ندرس اللغة العربية..
هل تناسينا إن لكل لغة أصول..وقواعد لا يستوعبها إلا من تعمق بدراستها…
أنا حاليا أدرس اللغة الأنجليزية..ودخلت مستوى 4..بس أحس بعد بصعوبة..إذا ما درست وأستعنت بالأستاذ..
صح كلامكم..احول حاجياتي كلها إنجلش..بس..بعد أريد شهادة تنفعني..وتشلني..مش رمسة وبس..
أخوي..انصحك…أدخل لك معهد يقوي لغتك الأنجليزية..منها تستفيد بحياتك العملية..والحياة العامه..
والسمووحة مجرد راي لا غير…
انا مع الاخ ياسر…
بالتعلم الذاتي
تسلمون ع الرد والله يعطيكم الف عافيه
تراني اشوف افلام انجليزيه واحاول اقرى بس المعهد يساعدك اكثر بس اغلب المعهد مب منظمه في معهد واحد تحجز الحصص من النت يعطونك باسورد بس ماستفدت وايد
ولله ياخوي انا درست قبل .. عند بريتش كااونسل …
المعهد البريطاني ..
المساء هو يحااضروونك .. معهد حلو واوكيه .. في الشاارجة . ان ادرست فيه .ز قبل اربع سنوات او خمس لكنا لحين ماعرف هل تغير نظامهم ولا لااا ..
أحسن و أضمن طريقة لتعلم اللغة الإنجليزية
القراءة و الإستماع و الممارسة للقواعد اللي حفظتها
حاصر نفسك باللغة الانجليزية
تلفونك حوله انجليزي، كمبيوترك لو عربي حوله انجليزي
الريسيفر حوله انجليزي، شوفلك راعي الدكان سولف وياه انجليزي لو عشر دقايق فاليوم
صدقني انجليزيتك بتتقوى شوي شوي
بدون أي معاهد ولا شيء
لأنه المعاهد ما تهتم فيك انت ، تهتم ببيزاتك