معظمنا يستخدم السياره رجالا ونساء وأصبحت جزء مهم لايتجزأ من حياتنا اليوميه
فماهي أفضل وأسوأ سياره إستخدمتها إلى الآن؟
بالنسبه لي أفضل سياره هي اللكزس
وأسوأ سياره هي الفورد

19 thoughts on “أفضل و أسوأ سياره”

  1. السلام عليكم ورحمة الله وبركاته
    الصراحه موضوع حلو الكل يمكنه ان يستفيد منه على المستوى الشخصي
    بس عندي نقطه حاب أضيفها اذا بيسمحلي كاتب الموضوع وهي : ما هي أفضل ((سياره عائليه )) تتحمل
    وانتو تعرفون السياره العائليه منو يستخدمها ………….(السائق)
    تسلم اخوي أمين السوق

    نعم أخوي موضوع السيارة العائليه جدا مهم , خاصة مع إرتفاع أسعار البترول لأن السائق يتردد ويسوق مسافات طويله كل يوم داخل المدينه

    أفضل سياره في رأيي الشخصي هي تويوتا بريفيا( فان), واسعه وإقتصاديه في البترول, في 4 و 6سلندر,
    http://www.autosieger.de/as_car-images/toyota/Toyota_Previa_3.jpg

    وبعدها الفان من شركة متسوييشي أيضا سمعت أنه جيد , ,اخيرا فان الهوندا بس غالي شوي سعره فوق 100 ألف
    نصيحه لاتشترون كيا وهايونداي مشاكلها وايد وصيانتها غاليه وقيمتها بعد الشراء تنزل بسرعه

  2. شباب نحنا اشترينا فورد اكسبلورر حق البيت موديل 2005
    اشتريناه لان سعرة مغري و الوكاله ما كان عندها غير حبتين تبغي تتخلص منهم عشان شكلة تغير
    وسعرة ووايد ارخص من السعر الاصلي حوالي خصم 25%

    المهم السيارة هذي ما انصح اي حد يشتريها ابدااااااااااااااااااا
    اول شي تشرب بترول وايد
    الاضواء الامامية كان فيهم مشكلة(واحد مرتفع وواحد نازل كأن السيارة كانت مدعومة)
    عدم تناسق في الفراغات بين بونيت السيارة و المدقار .. يعني فتحة كبيرة على يمين وصغيرة على اليسار
    الشبك الامامي تحس انة رايح على اليسار شوي
    بعد 3000 كيلو اصوات في المكابح… صوت مزعج … (تم خراطة الدرامات على الضمان)
    لنبة الاشارة للانعطاف لليمين احترقت .. بدلوها على الضمان
    الحين القير يوم تغيرة من ال N الى D ينقع القير
    وانا الصراحة مش مصدق ان هذا كلة حصل مع سيارة على الزيرو
    مع اني كنت اسمع كثير ناس ترمس عن الفورد ومشاكلة بس كنت اتوقع انة سوء استعمال
    بس للاسف كنت على خطأ

    إشتريت نفس السياره للأسف ب 83 ألف ومن أول شهر قام القير يسوي صوت, وديتها الوكاله وسوولها على قولتهم إعادة برمجه ومانفع وبعدين بدلو قطعة خذتلها شهر لي مايت من أمريكا ومانفع, وبعدين نزلو القير كامل وتمت السياره شهر في الوكاله وزين أني كنت ماخذ الضمان
    حاولت أبيعها, ماحد بغاها إلا بسعر زهيد :vb_comean

  3. افضل سيارة على حسب نوعية الاستخدام فور ويل صالون سبورت

    انا اشوف احسن سيارة اللكزس

    اتعس سيارة الروفر والسيارات الانجليزية

  5. هذا لي يقوله الأمريكان عن الفورد:

    FORD:Found On Road Dead
    FORD:Fix Or Repair Daily

    وانا ما ادري ليش الامريكان يموتون على شي اسمه فورد ؟!!! مع كثر خرابه ،، ولا في الافلام ما عليهم كلام السيايير اكيد امريكيه ولازم لازم فورد :efgh:

Comments are closed.