من زمان كان في خاطري أكتب عن هالموضوع بس الظروف ما سمحت…واليوم تفيجت لكم 
1- افتقد سيارة الايس كريم اللي على كورنيش البحيرة…كنا لازم نوقف عندها وناخذ ايس كريم ب درهم (احلى شي الاخضر بو فستق) وكنا ناخذ لبوب وشوف الحلج كيف يشتغل
2- افتقد كافتيريا سمير مال الفالودة والبستني (كنت اطلب مكس) شو استوى فيه شكلهم شلوا المبنى بالكامل
3- أفتقد زحمة ليلة العيد…هالأيام كل يوم زحمة مب شرات اول بس زحمة ليلة العيد والله أيام
4- أفتقد راعي السمبوسة اللي كل عصر كان يصيح في الفريج ساااامبوسة ونحن على طول ما انصدق
ليش ما يعطونهم تصريح للبيع لامرة ثانية ترى هالسمبوسة نفسها تنباع في الكافتيريات؟ دقوس بو صقر يا حليله
5- أفتقد ملاعب الفريج وكل عصر نلعب لين المغرب ونشتري هنكل عشان الشوت (اونه لعيبه)
6- افتقد الحداق على السيفه…وين اختفى السمج ما اتعرف! وممنوع تحدق في الخور البيضا ولا الجزيرة الحمرا صارت دمار
7- افتقد جريدة البيان ولونها الجديم من يتذكر اللون؟
8- أفتقد هدوء الامارات وشوارعها خاصة بعد الساعة عشر
9- افتقد اشهر رادارين في الامارات على شارع الاتحاد منو يتذكرهم؟
10- أفتقد عيال البلاد الي كانوا تارسين الشوارع وينهم الحينه
ياللا كل واحد يقول اللي يفتقده ولكل امارة خصوصية وشي خاص تتميز فيه
عجيب هذا كورنيش بوظبي صح؟
وسياره الايسكريم اللي كل عصر يحوط بين الفرجان
وراعي السمبوسه
وأكثر شي أفتقده
هو
هو
هو
((الاتاري))
كاكاو فانفير ييت على الجرح ……
رد لنا لو تذكرت شي نترياك….
افتقد الليلام والعابه وافتقد كاكاو فانفير واسكريم نسكويك البسكوت
وافتقد بعد ماغنوم الجديم وافتقد صله الرحم اللي كانت قبل 100%
والحين للاسف 30% .. وافتقد الناس الطيبين اللي كانوا تارسين
البلاد و صدقت والله راعي السمبوسه احيد راعي الكفتيريا على
دراجه يحوط قبل الاذان بساعتين او ساعه ولا الصرانيخ واليراد
اذا تذكرت شي بردلك