من زمان كان في خاطري أكتب عن هالموضوع بس الظروف ما سمحت…واليوم تفيجت لكم 
1- افتقد سيارة الايس كريم اللي على كورنيش البحيرة…كنا لازم نوقف عندها وناخذ ايس كريم ب درهم (احلى شي الاخضر بو فستق) وكنا ناخذ لبوب وشوف الحلج كيف يشتغل
2- افتقد كافتيريا سمير مال الفالودة والبستني (كنت اطلب مكس) شو استوى فيه شكلهم شلوا المبنى بالكامل
3- أفتقد زحمة ليلة العيد…هالأيام كل يوم زحمة مب شرات اول بس زحمة ليلة العيد والله أيام
4- أفتقد راعي السمبوسة اللي كل عصر كان يصيح في الفريج ساااامبوسة ونحن على طول ما انصدق
ليش ما يعطونهم تصريح للبيع لامرة ثانية ترى هالسمبوسة نفسها تنباع في الكافتيريات؟ دقوس بو صقر يا حليله
5- أفتقد ملاعب الفريج وكل عصر نلعب لين المغرب ونشتري هنكل عشان الشوت (اونه لعيبه)
6- افتقد الحداق على السيفه…وين اختفى السمج ما اتعرف! وممنوع تحدق في الخور البيضا ولا الجزيرة الحمرا صارت دمار
7- افتقد جريدة البيان ولونها الجديم من يتذكر اللون؟
8- أفتقد هدوء الامارات وشوارعها خاصة بعد الساعة عشر
9- افتقد اشهر رادارين في الامارات على شارع الاتحاد منو يتذكرهم؟
10- أفتقد عيال البلاد الي كانوا تارسين الشوارع وينهم الحينه
ياللا كل واحد يقول اللي يفتقده ولكل امارة خصوصية وشي خاص تتميز فيه
ايام ما كنا اناقز على الشباري ..
ايام ماكنا نلعب الاولاد ويا البنات اونه عادي يهال مخلينا …
يمعتنا ايام كنا صغاريه واولاد الفريج كلهم ربعنا في ايام رمضان واللعب,,الريايل يصلون التراويح ونحن انقع شلالق برع (الكندوره محترقه من كل صوب) احلى شي يوم كانو اهلنا يخلونا نطلع في الليل ونحن اونه مانخاف ندش السكيك وفي الضلام لانه اونه ماشي جن كلهم محبوسين ..ايام كنا نازم ندخل بيت و نطلع من بيت مثل لقطاو…
الجو صباح العيد خصوصا بعد ما نلبس الكنادير اليديده ونهلك ونحن نلقط العيديه لين الظهر كل بيت يعطينا على ريال ريال ..خهههههخ… الحين الياهل تعطيه خمس مايتنزل ياخذها يبغي عشر.
اشيا وااااايد
فقدنا كاكاو هووبي ….
وكولة أر سي ههههه
^_^
ايوه طلعوا الشياب وعرفناكم ورطكم اخونا boy
اه اه على ريحة الماضي وذكرياته الجميلة
انا اشتقت للألعاب الشعبية القديمة مثل كبيه ناو هاهاها والله ما اقدر اكتب لاني ميت من الضحك ولاتنسوا لعبت حي وميت ولعبة شاف
جزاك الله الف خير
والله ان هذا الذي كنت ناوي اكتبه
رحمه الله واسكنه فسيح جناته
كانت اطلالته كل مساء على التلفزيون
تعطيك امل وثقه
وتفاول ..
كنت وغبري كذلك
نحس انه يعرفنا كما نعرفه
لا نشبع من متابعة جولاته في كافة ارجاء الوطن.
ونستمتع بحديثه
الذي ينبع من القلب
ليصل الى قلوب الملايين.
رحمة الله عليه
يالله يالبحرينيه شوسويتي فينا . ذكرتينا بايام حلوه
شكلج دهريه لوووول
بخصوص دبة السياره . كنت اذكر من كثرنا الي بالدبه كان ويهي يلصق بالدريشه لوووووول
وكانت عندنا مزرعه بالذيد . من نوصل المزرعه انا فالحوض لين مايقولون يالله بنرد البيت .
ونومت السطح يالبحرينيه كانت فالاسبوع 3 مرات ههههههه حافظين متى الكهرباء تبند عندنا ههههه