السلام علييكم موضوع اليوم مب يديد انطرج كم مره فكل مكان هو طبعن البنات الي يتغشن عنا لريال المواطن ويكشفن ويههن حق راعي المحل كان عربي او أسيوي شو السبب ماندري انا حصلي مثل هالموقف والصراحه حبيت اطرحه لو حد منكم استواله قبل ولا لا ونبا نشوف راي البنات فهالشي
حجج البنات بهالشي اونه عسب محد يعرفنا وعسب مايغازلونا يعني الي فالمحل مب ريال؟؟؟ غريبه
ملاحظه 
طبعن بعض البنات مش الكل الله يهدييهم)*…
لا تعليق
——————————-
يا أخي مب لازم تتغشى وبس اصلا على الحرمة ما تكلم الريال الهندي ولا الايراني ولا اي عامل لازم يكون معاها ريال يرمس عنها لكن مادام المسؤول عنها زوجها او ابوها او اخوها يعني الرجل ( البغل ) يالس في البيت يطالع التلفزيون ولا في المقهى ولا طالع ويا ربعه ويقولك مب فايج لسوالف الحريم
وتخيل معاي الموقف
الحرمة للهندي اللي يبيع : كم هذا ؟
الهندي : هذا واييد حلو عليج انته ماما
الحرمة : اعرف كم انزين
الهندي : 1500 بس
الحرمة ( وهي تحط عينها في عين الهندي ) : كم آخر؟
الهندي : انا بسوي اسبشل ديسكاونت بس ميشان انتي 1300.
الحرمة (والله عطاها صوت انثوي يغري وتزيد عليه عشان الهندي يطيع ): عطي هذا ب 1000 انزين.
الهندي : والله ماما انا مايقدر
الحرمة ويهاييج الابتسامة : ياله مشان انا
الهندي : 1100 مشان انته
واذا كان على الحريم اللي يعقن غشوة داخل المحل اظن عشان يشوفن السلعة بوضوح واللي تبى تشوف وتستر عمرها تقدر واللي مثل ماقال الاخوان لابسها الغشوة غصب فمب منها من التربية مثل ماقلتوا والحرمة مب ولية امرها في ريال يتولى امرها فاذا كان رب البيت بالدف ضاربا فشيمت اهل البيت ………………
وسلمتوا ……
هالتصرف له وايد مبررات
منها
1/
ما لبست الغشوة عن قناعه تامه بأن كشف
الوجه حرام .. والريال يبقى ريال مهما اختلفت جنسيته او دينه واصله
2/
يمكن تستحي المواطنين يشوفونها
يعني لو مرت هنديه جدام الشباب ما بيهتمون
لها كثر اذا مرت مواطنه ..
يعني طبع كذا تخجل من عيال بلادها
3 /
تخاف حد من هلها ومعارفها يشوفونها
:::
وزيــــــن انها بعد تغشت يدام المواطنين وعقبال ما تتغشى عند الهنود
العتب على اللي يتعمدن يلفتن الشباب اليهن
بحركاتهن وزينتهن وهن فاصخات الحيا بالمره
شكرا ع الموضوع
ونسأل الله الهدايه والسلامه
الواحد يشوف مناظر اكثر واخس عن جذيه
بس يقول الحمد لله اللي عافانا
وجهة نظري
يعني التربيه لها دووور
وكلكم راعن وكلكم مسؤل عن رعيته
أختي أنتي حره فى تصرفاتج وفى رايج لكن هذا ما يخصه فى الحريه هل الحريه يت بس على راعي الدار وغيره ما تكون حريه شخصيه أعتقد خانج التعبير فى الرد