السلام عليكم و رحمة الله و بركاته
” صبّحكم ، مسّاكم ” الله بالخير
شباب ، حبيت استفسر عن الألتيما 2011 4 سلندر
شو مواصفاته ,, إيجابياته ,, سلبياته !
للعلم إن السيارة ما راح استخدمها للخطوط
يعني بتكون في المدينة بس خخ
و يا ريت لو تعطوني أسعار رقم 1 و 2 و 3
يعطيكم ألف عافية مقدماً 
الغالي
انا عندي رقم 1 موديل 2009
من ساعتين مطلعنها من تجييك ال 80 الف ,, ماشالله عليها لين الحينه عسسسسسسسسسسسل ,, بترولها فالمدينه تفولها ب 110 ويمشيك 650 كيلو تقريبا ,, وجان بترقد ع ريسها ووايد بدوسها بتمشيك حدود 550 كيلو
موتر عملي وجان تباه حق زمااط مايردك خصوصا الاربعه وابد ماقد اشتكيت منه الحمدلله ,,
نصيحه خذه وتوكل ع الله وتجييكاته رخيصه وقطع غياره اسعارهن اوكي بالمقارنه مع غيره ,, ومثل ماقالك سلطان جان بتحصل دفعة 2010 خذها لانها ماتفرق عن 2011 شي ,,
وتوكل ع الله وعليك به
سلطان النعيمي
تسلم و ما تقصر
موفق بإذن الله … لك مني أجمل تحية .
رقم 1 موديل 2011 بـ 90 الف
رقم 2 تقريبا 82 – 84 الف
رقم 3 من 70 لـ 72 الف
سيارة عمليه جدا .. وانسى البترول والخرابات
ونصيحتي تاخذها من وكاله العربيه لان ضمانهم مدته اطول من المسعود .. وعن التجييكات عادي تقدر تاخذها من العربيه وتجيكها فالمسعود
شكلها بيتغير باذن الله على نهايه 2012 على حسب معلوماتي
لو تشوفلك موديل 2010 الدفعه الاخيره مسوين عليها عرض وايد حلو