السلام عليكم ورحمة الله وبركاتة ،،،
صح أنه العنوان يروع الواحد بس ما عليه صدج انها ألغام تذبح الواحد
والصراحه عيزنا من كثر ما ندفع المخالفات
يعني قبل لا نجدد مواترنا لازم تشل وياك رزمة من الفلوس عشان ندفع المخالفات
وأنا طرحت هالموضوع للمناقشة فقط ( لا للتحذير )
رادارين يدد موجودين على شارع الصناعية لين جبل حفيت والعكس
الرادار الاول : وانت متجه من نزلت الجبل لين جسر مبزره .
الصراحه هالرادار موقعه ممتاز وغير ممتاز في نفس الوقت لانه الصراحه أنا أقول ومن وجهة نظري انه في بداياته أحتمال يمسك حوالي 80% من السيايير اللي تمر من ذاك الطريق ويشمل الشاحنات والسياير العادية اذا كان يمسك فوق 120 (لأنه شي طبيعي ان الرادار مركوز على نزلت الجبل والسياير من دون أي جهد يكونن سرعتهن فوق 120 )
الرادار الثاني : وانت متجه من دوار العجيز لين دوار مصنع الأسمنت .
هذا الرادار الصراحه موقعه ممتاز لانه موقعه موقع حساس ( موقع عنده سوابق من الحوادث ) اللي هو شارع فيه نقزات وفي ناس كثر اللي سووا فيه حوادث
والصراحه هالرادارين اللي انا لاحظت عليهن بس ما أدري إذا كان هناك رادارات غير
والله يسلمكم ان شاءالله
وهالله هالله عن السرعة
ودمتم بود ،،،
أخوكم الكعـــبي
الله يطول بعمر سيف بن زايد
هذا كله من حبه لشباب العين وبوظبي
اللي قاعدين نخسر منهم في اليوم لواحد
من واحد الى اثنين
ارقام الوفيات في مارة بوظبي يخوف يايماعه
ويارب تحفظ عيالنا من مشجعة الخ؟؟؟؟؟؟؟؟
وشكرا
الله يزيدهم
ما تعرف ان الامارات 2 دولة على مستوى العالم من ناحية الحوادث الله يهدينا بس
اخواني هي الرادارات ثابتة ماتخوف انتبهوا من المتحرك باقي لموعد التجديد 8 شهور وصار علي 2300 درهم فقط رادارات متحركة
مشكور على الموضوع اخوي
وشكر لشرطة ابوظبي على مجهودها الرائع اللي تقوم فيه لحفاظها على السلامة العامة وايجادها للحلول المناسبة وشرائها الرادارات الصامتة (*
فلاش ضعيف مش نفس الرادارات القديمة لكن يبين يعني تعرف انه صورك
إضافة :
– خط المحمية (كأنك ياي من الفوعة ومتجه إلى الدوار الي يوديك سويحان وناهل ) .
– صوب مركز شرطة الجيمي ( خل المركز على يمينك كأنك متجه إلى دوار الشيخ مبارك ) .
– وانت نازل من جسر جبل حفيت باتجاه مصنع الاسمنت .
– بعد دوار الشاحنات باتجاه مصنع الكوكاكولا .
– بعد دوار حديقة الحيوانات باتجاه دوار زاخر .