هذه قصه حقيقيه لأحد الشواب عندنا متزوج من أربع،الأولى طبعا مواطنه والثانيه أسيويه والثالثه عربيه والرابعه أوزبكيه،عنده من 20 ال28 ولد وبنت،ويقول عايش أحسن عيشه مثل الملك كل حد يخدمه،يقو ل فى يوم من الأيام قلت الهن أبغى أزوج ولازم وحده منكن تفسح لى المجال علشان أزوج ،أرفضن كلهن الا المواطنه قالت أنا بتنازل حق أبو عيالى حتى لا تحصل مشاكل ،وحصل الطلاق وقرر بوسعيد الزواج من أسيويه ثانيه من غير جنسىة الزوجه الثانيه ،وماكمل الريال شهر الا وصارت حياته من أتعس الأيام التى قضاها فى حياته السابقه برفقة الزوجه الأولى ،فما عرف شو يسوى، كلم واحد من الشواب علشان ينصحه فقاله الريال طلقهن كلهن وأفتك منهن هاذيل ما وراهن الا المشاكل والتعب ، رجع بوسعيد وتذكر المواطنه وقال “ما يحك ظهيرى الا ظفيرى “والله ماعنك غنى يا أم أحمد لكن الماى عقب ماينصب ما يتحصل .
فكروا أخوانى شوممكن لهذا الشخص أن يتصرف ولا بيطلقهن كلهن وبيضيعون الأولاد والبنات ، وهل التفكير فى الزواج يمكن أن يتم بهذه السهوله ؟ وهل عنك غنى يا بنت بلادى ؟
خليه وياهن و لا يطلقهن
لنه لو طلقهن بياخذ 4 غيرهن و بيب 20 غير العيال اللى معااه
الراحه مب في كثره العياال … الراحة في انه له عيال ومربيهم على أيده و مريحهم …
الحين 20 واحد أحس انه مايعطي كل واحد حقه و لا بيهتم فيهم
الله يهديه
فعلا حسيت انه ناقص عقل!
عنده فوق العشرين ولد يعني مزوج هالقروب من سنين
والحين يوم تزوج يديده وصارت مشاكل .. يبي يطلقهن كلهن؟!
صدقوني ام احمد ماصدقت الفكه ،، مابتردله خير شر
إن كان طلاق أم أحمد بائن بينونه كبرى، ما يجوز يتزوجها إلا بعد ما ياخذها ريال ثاني و تطلّق منه أو يموت عنها.
قوله ييلس مكانه و ما يتهوّر.
يطلقهم كلهم ويرجع أم أحمد معززه مكرمه
وهيه ما بتقصررر لا فيه ولا في باقي العيااال
الله يعينه
يطلق اللي متبهدل وياها اليديدة
بس حرااام العيال وين بيروحون .. والحريم ؟؟
الشواب بعد عقليات عندهم شو يبا فالعيال من 20 لين 28 .. الله يعينه وترى اهم شي تربيتهم مب كثرتهم .. الله المستعان
اذا الحرمة اليدية ما ياب منها عيال لسه ..
يطلقها ويرد ام احمد ..
الله يعين صرااحة ..
>.<