السلام عليكم و رحمة الله و بركاته
في الشارجه، المطر صبييييييب. الحمد لله على الرحمه.
صب الصبح بشكل بسيط، بس الحين غيييييييير. المرزاب يدفع بأقصى طاقته من شدّة الماي. 
طبعا أنا أقصد المناطق اليديده جدا القراين. عشان ما تطلعلي باشو و تقول ماشي مطر في الشارجه. ههههههههه
شو بالنسبه لكم ؟
.
مبروك عليكم الرحمه .. وعقبالنا يارب
بدبي ما شاء الله الغيوم محليه الأجواء وإن شاء الله نفرح بالمطر
إحدى الأوقات اللي تذكّرني بعظمة خلق الله، يوم أشوف الغيوم في السما.
سبحان الله، كيف هالكميه الكبيره من الماي تمشي في السما !!
هالكميه يوم تنزل الأرض، تغرّق الوديان و تفيّض السدود.
سيارات سحب المياه تهلك من سحب هالمياه من الشوارع.
سبحان الله،
الواحد ما يدري إن فوقه كميه هائله من المياه تمشي فوق راسه.
لو كان الواحد فينا فوق، عادي يفصخ ملابسه و يتسبّح في هالبركه من المياه. ههههه
الحمد لله على النعمة
في أبوظبي الجو صحو مشمس مع بعض السحب المتفرقة
السما ملبدة بالغيوم مما يبشر بسقوط الأمطار
مشكور ع المعلومه
في دبي السحب متقطعه بالسما بس باين انه موجه من السحب الركاميه يايه من صوب ايران يبالنا نتريا من ساعه لساعتين تمتلي الدنيا وان شاء الله يهطل المطر علينا