السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
اخويه مو شرط انك تحلم بشي عقب ماتصلي استخاره يكفي انك اتشوف عمرك مرتاح ولا لا يعني شوف قلبك وشوف نفسيتك انت مرتاح وتبي تخطبها ولا انك متردد
وانت شكلك اول كنت اتحبها قبل ماتشوفها بس عقب الاهل ماشافوها ووصفوها لك انت ترددت
الحل صل استخاره والله يجدم اللي فيه الخير
يعني ركضت وراها مراكض وتعبت نفسك واهلك — وكانوا اهلها رافضين والحين يوم وافقوا انته رفضت
راي خلك ريال وعند كلمتك وتزوجها — بنات الناس موب لعبه الله يهديك — مادام تقدمتلها في البدايه خلاص التزم
تحياتي
صليت استخارة يا اخوان … حتى بمكة صليت ماظهر لي شي أبد
وايد صليت ما حلمت بشي حلو ولا بشي تعيس
الله يبعد التعاسة عنكم وعني
اخويه مب شرط تصلي وتحصل جواب او تحلم او تشوف شي..
الصحيح انك تصلي الاستخاره وتتوكل على الله وتباشر في الامر الي مستخير عشانه واذا الله راد راح تتيسر الامور او راح توقف في مكان معين .
يعني تيسير الامور هو الجواب على الاستخاره ولا تتنتظر حلم او اي شي غير .
و الله يسهل امورك
والله اني مب لعاب او اني العب عليها
المشكلة ارمسها من دون علم اهلها وضميري يأنبني…. أعرف إنه غلط بس شو أسوي ما اعرف
سويت فلم هندي على اساس اهلي يخطبونها
قلت لهم ربيعة حرمة اخوي
من اول اتصال ردوني … قالوا لنا البنت لولد عمها
يوم قلت لاخوي السالفة انهم ردونا من اول اتصال عصب واتصل على اخو البنت ورمسه بعد 3 أيام إلا هم عازمين اخوي في بيتهم يستسمحون منه
الحين ابوي مب راضي والأم تقولي كيفك هاذي حياتك
وأنا مثل الأطرش بالزفة
انا شو لي خلاني ارد اتصل واطرش مسجات واحرق تلفونها استاهل …حبيتها وانحرقت بحبي
الله المستعان
أول شي مشكورين يا أخوان على تفاعلكم معاي
رفضوني لإني ما أقرب للبنت
(ماتقرب لي لا من قريب ولا من بعيد) ….. (إلي ما يعرفك ما يثمنك)
تعرفت عليها صراحة بمسج بالغلط وقت صلاة المغرب بتاريخ 17-4-2007 ههههههه يبت لكم التاريخ بالضبط ، كيف حبيتها وكيف حبتني وكيف تعلقت فيها الله المستعان والله ما اعرف من ربكم
ليش متردد لانه اهلي قالوا لي انها اكبر عني بسنتين وقالوا انه جمالها عااااادي وإنها ما تصلح لي
بس ليش ما تصلح لي الله اعلم
صليت استخارة يا اخوان … حتى بمكة صليت ماظهر لي شي أبد
وايد صليت ما حلمت بشي حلو ولا بشي تعيس
الله يبعد التعاسة عنكم وعني