السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
انزين خل عنك هالاسلوب … وادهن سير ابوك وقوله
كان ولد عمها رامس بياخذها وعقب رخصها يوم رمسوهم
ان في حد ياي يخطبها وخلاص !! .. خلك ذكي واكسبهم بصفك
وحاول تقنع مره مرتين
ههههههههههه عصب الاخ
الله ييسرلك امورك اخوي ويكتبلك الخير… وان شاء الله ان كان زواجكم فيه خير الله ييسره لك وان كان فيه شر الله يبعدك عنه
انتوا قلبتوا الموازين
يا جماعة انا متعلق بها وهي متعلقة بي
قلت لكم والله مب يالس العب عليها
وانا ما همني العمر وشفتها البنت وعيبتني
المشكلة في اهلي الحين ابوي مب راضي
والام تقولي كيفك وهاذي حياتك ويوم حزة الجدتتبرى
ابوي يقولي ناس ردونا من اول مره انساهم
خلاص آسف أزعجتكم بمشكلتي
الله يسهل الامور
خلاص ما بعرس وما بتصل وما ابغي شي
آسف عالازعاج
اخوي يوم قالوا لك هلك ان جمالها عادي ؟ يعني اسمح لي
هلك شو يبونها ملكه جمال ،، انته حبيتها لان مثلا صوتها حلو
وقلت خلاص هاي ملكه جمال ومحد احلى عنها ؟ ،، تعرف انها اكبر عنك وعادي رمستها . وانا اعرف ناس ماخذين بنات اكبر عنهم ب2ولا 3 عادي الرسول عليه الصلاه والسلام ماخذ خديجه وهي اكبر عنه بوايد ؟ … يابويه تبا شوري انته الريال ومب لازم لاتاخذ راي هلك ولا اخوك تباها روح اخطبها ماتباها خلها في حالها ولاتتصلبها ولا ترمسها .. مااظني ترضى على حد من هلك
يسوي شرات اللي تسويه وحط مكانك مكان هلها او اخوانها وبتشوف ..
وموفج عزيزي
حشا طاح بي طيحة بو خالد
بو خالد ترضى أنك تنتصل في الليل الساعة 9 والساعة 11 الصبح يرفضونك ويقولون لك البنت محجوزة ولا هي محجوزة او شي ومن دون ما يشوفونك او يشوفون اهلك.
وضوحي مشكورة اختي كنت اتحرى عمري لازم احلم ما كنت اعرف هالنقطة .
خلاص انا بسوي الي قلتولي اياه وإن شاء الله راح أخبركم شو يصير معاي
مشكورين على تجاوبكم معاي