أنا عندي مشكلة أرجوكم أبى النصيحة

49 thoughts on “أنا عندي مشكلة أرجوكم أبى النصيحة”

1. الله يسر امورك اخوي

   انته صليت استخارة اذا الله كاتب الموضوع يتم بيتم وبيمشي واذا مب مكتوب بيتوقف

   وبعدين اذا تبي تعرس لاتكلم البنت نهائيا وخلك جاد اذا صار نصيب عقب الملجه اتصل وسوي حفلة وعزمنا

   بس الحين انصحك اترك الحرام والله بيكتبلك الحلال

   والسموحة

2. يابويه تبا شوري انته الريال ومب لازم لاتاخذ راي هلك ولا اخوك تباها روح اخطبها ماتباها خلها في حالها ولاتتصلبها ولا ترمسها

   ها اللي كنت بقوله

   
   __________________

3. مشكورين يا جماعة على تجاوبكم معاي
   زين لقيت حد أفضفض له إلي في داخلي
   وآسف لو غثيتكم
   بارك الله فيكم

4. اختي بحور الصمت حنا اتصلنا بهم عسب ناخذ موعد السيرة عرفتي
   أتصلنا عسب نقول لهم حضرة جنابنا بني عندكم
   مب حلوة نسير مفاجأة وما نعرف بيتهم وين بالاساس
   المهم كان الاتصال الساعة 9 مساءً تقريباً ثاني يوم الساعة 11 الصبح اتصلت اختها العودة على البيت وقالت لنا إلي قالته
   عالعموم باجر بفتح الموضوع لاخوي مره ثانية وراح اخبركم شو يصير معاي (يالله ساعدني)

   صدق انه حياتي فلم هندي

5. حشا طاح بي طيحة بو خالد
   بو خالد ترضى أنك تنتصل في الليل الساعة 9 والساعة 11 الصبح يرفضونك ويقولون لك البنت محجوزة ولا هي محجوزة او شي ومن دون ما يشوفونك او يشوفون اهلك.

   وضوحي مشكورة اختي كنت اتحرى عمري لازم احلم ما كنت اعرف هالنقطة .

   خلاص انا بسوي الي قلتولي اياه وإن شاء الله راح أخبركم شو يصير معاي

   مشكورين على تجاوبكم معاي

   اخوي اسمحلي بقولك شي

   ادري انه مالي علاقة في الموضوع والموضوع موضوع رياييل

   بس انا مستغربة من شي انته قلت اتصلت فيهم ؟؟؟؟

   انا اول مرة اعرف حد بيخطب حد ولا ما تعرفهم ولا يعرفونك بالتيلفون ؟؟؟!!!

   انا اللي اعرفة مواييب الرياييل كاقل شي يسير بروحة او يطرش حد يسير ويكلمهم في البيت في ميلسهم بحضور الرياييل

   اما بالتيلفون شي غريب الصراحة ؟؟

Comments are closed.