السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
لا تعليق
ياخويه انا ماقولك روحي اخطبها روحك
انته حطهم في الامر الواقع واحشرهم انك تباها وبعدين غصبن
عنهم بيسيرون وياك .. اللي يبا الصلاه ماتفوته
والله يوفجك مره ثانيه
رد روز أنا الحين اتريا أخوي الاكبر عني يرجع بالسلامة عسب يخاويني نسير عند اخو البنية
والأبو يلست معاه كم مره وإن شاء الله خير
مشكورين أخواني وخواتي على تجاوبكم معاي
أخوي أستاربكس وأخوي عود معطر
كيف اسير اخطبها جي الله يهديكم شي عادات وتقاليد
أونه سير بروحك ههههه بيقولون لي وين اهلك ؟
أخوي دوم عالي على راسي من فوق أنا ما ارمس البنت وايد حالياً بالأسبوع مره ، بعد ما يصير اقطع مره وحده ، والله يكتب الي فيه الخير
ولا تحاتي العزومة راح اسويها لكم شباب المنتدى في بوظبي أو العين
بخبركم شو يستجد معاي من امور
ارجـع اتقـدم لها ،، وبصفـه رسميه جـداً ،، سواءً في بيــتهم ،، وله اتـواعد حـد من أخـوانها برع البيـت ،، تيـلس ويـاه ،، وترمسـه ،، وتاخـذ وتعطـي معـاه ،، فرصـه تعـرف عنهـم ،، وفرصـه يعـرفون ويـاخذون فكـره عنــك ..
وبالنسبـه للوالـد ،، قبـل لا تسـوي أي خـطوة ،، إيـلس ويـاه يلسـه انفـراديه ،، وأهـم شي يـكون بمزاج حـلو ،، وفهمـه اللي في خـاطرك ،، وإنه أهـل البنـت كـذا وكـذا ،، وحسـن صـورة أهل البـنت في نظـره ..
وأخيـراً ،، خلك قـدها ،، وحـارب لأجل عنـون اللي تحبــها
موفق يـارب