أنا عندي مشكلة أرجوكم أبى النصيحة

49 thoughts on “أنا عندي مشكلة أرجوكم أبى النصيحة”

1. صليت استخارة يا اخوان … حتى بمكة صليت ماظهر لي شي أبد
   وايد صليت ما حلمت بشي حلو ولا بشي تعيس
   الله يبعد التعاسة عنكم وعني

   الله يوفقك اخوي..

   مشكلتك بسيطه ويسرها انت ولا تتشائم

   اولاا الزواج قسمه ونصيب والي كاتبه ربك بيصير

   حاول تعرف شو الاسباب الي تخليك متردد هل هي

   خاصة وعائلية
   (فحاول أنك لاتخالف راي الي اكبر منك )
   (ولا تتزوج من غير موافقة والديك ومباركتهم لك)

   وان نفسية

   (اسأل أكثر وحاول تعرف طباع الام لأنه البنت تقلد امها من الصغر وممكن تعدي فالكبر)

   وان شفت عمرك ارتحت بالي شفته وسمعتبه توكل ع الله وعزم

   ولاتنسى تعزمنا بالعرس وع شرط السنام ينحط جدامي …

   تقبل تحيات اخوك..ALYAASI

2. R34
   مشكور يا أخوي عالكلام الموزون
   والحمد لله صح البنت عرفتها عن طريق التلفون بس ياخي تكلم بالمنطق مب كل وحده عندها تلفون مب زينة ، وانا السبب أصلا بإني تعرفت عليها كنت وايد اطرش لها مسجات ، والله مب عسب صوتها حلو ، سبحان الله حبيتها من ربك
   وعن الشك أقولك انا ما تميت معاها كل الفترة إلأ ودرست أطباعها واطباع اهلها
   وع فكرة هم ناس مش من الحضر هم (بدو)

   بالعربي …. ( أنا مرتاح لها )
   وألف شكر لكم

3. راعي الجي ….
   أخوي الحمد لله أنا من عرفتها تغيرت وايد امور بحياتي للأحسن صراحة وممكن تقول إنها
   (احلى صدفة في حياتي )
   أنا سألت عن أهلها وعن اطباعهم قبل لا آخذها
   والحمد لله رب العالمين

4. سووووري اخوووي في أي بي على التأخيييير

   انا سألتك أسئلة وانت ماقصرت وجاوبت عليها ..

   خلني انا اعطيك اشوية فوائد وامشي معاك خطوة بخطوة …

   حلو جاوبت وقلت سبحان الله غلط مطبعي ورسالة غير مقصودة ،، اقول حلو اهم شي ماكنت عقيت عليها رقمك في مول او تعرفت عليها عن طريق الشات وغيره من الطرق الملتوية ..

   الحين اعرف شي ثاني ،، سبحان الله القلوب تتآلف لأسباب كثيرة ،، منها الكلمة الطيبة بين الاثنين ،، ومنها شغلة خلصتها لوحدة لوجه الله ،، وممكن مكان عمل اجتمعتوا فيه وكل واحد عرف الآخر بطرق صحيحة وبإحترام متبادل ..

   ماشاء الله عليك نحسبك والله حسيبك انك ريال ولد عرب تعرف العادات والتقاليد وتعرف حدود ربك ..

   ممكن الكلام اللي كان بينكم في الفترة الماضية ( قبل ما تتقدم لها ) كان سبب في احساسكم بالحب وبنيتوا مع بعض اشياء معينة ..

   مافي مشكلة بس الحين بندأ مرحلة جديدة وصراحة احس انك تأخرت فيها وهي انك تحسب كل خطوة بمنطقية وعقلانية بعيدا عن العواطف ..

   اولا إبدأ بصلاة الاستخارة قبل أي شي .. صلي مرة ثانية وثالثة ورابعة ..

   بعدين إبدأ بأهلك وشاورهم وخلك معاهم واضح وصريح لاتخبي عليهم اي شي .. خذ واعطي معاهم في الكلام ،، قول لهم الجمال مب جمال الشكل الخارجي ،، ياما شفنا الجمال الخارجي لمن ينحط اول شرط شو يكون نهايته !! ،، وحتى العمر مافي اي مشكلة انها تكون اكبر منك ،، اقنعهم بهالشي .. واعرف ان اهل البنت يمكن رفضوك لأنهم حاطين في بالهم ان ولد عمها يباها ولمن تأكدوا غيروا رأيهم .. مافي مشكلة اعذروووهم على الرفض المبدئي واقنع اهلك بهالشي ..

   بعدين جمع كلام اهلك واجلس مع نفسك بروحك ،، شوف شو قالوا لك ؟ وعلى شو استقروا ؟؟.. لأن كلامهم بيكون هو جواب صلاة الاستخارة .. بتلاحظ هل الطرق انسدت عليك او لا ..

   وهني وانت مع نفسك اريدك تسأل نفسك هل انت باجر لمن تتزوجها ماراح تشك فيها وفي مكالماتها ؟؟ ماراح تقول لها انتي تكلمي منو ؟؟ ومين كان معاج في الخط ؟؟ ماراح تقول انها مثل ماكلمتني بتكلم غيري !؟!؟ اذا ضمنت لي هذا الشي وحسيت براحة نفسية تجاهها بيكون هذا بعد جواب صلاة الاستخارة ونروح للخطوة التالية

   ارجع لأهلك واتفق معاهم على مجموعة رسمية منكم تروح لبيتهم وتتقدموا لها بطريقة رسمية .. ماعندك عنوان بيتهم اتصل عليها وخذه منها مافي مشكلة ..

   بعدين اتصل عليهم وقل نحن جاييييييين اوكييي .. ^ــــ^

   جي بنكون جمعنا الخطوط ورتبناها ،، اهم شي مانكون قصرنا معاك ^ــ^

   والله يا اخوي اعرف ان حالتك طبيعية وكثير مروا بها .. مافي مشكلة من اللي صار بس خلاص لازم تحدد شو تريد .. عشان ماتظلم نفسك وتظلم البنت ..

   ان شاء الله بننتظر قرارك النهائي .. والله ييسر اللي فيه الخير ..

5. انا اقول هذي غلطه وباقي حياتك استغفر عن هالغلطه وخل البنت وشف غيرها ودور وحده ملتزمه ..وادع للأولانيـه ..

   افضل من ان تكووون باقي حياتك تصحيـــح للغلطه!

Comments are closed.