السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
صح شو سويت بسالفتك
شكلها الامور عدت ع خير
ها عرست ولا بعدك ، ليكون عرست ، نتريا العشا هههه
أسولف وياك ، عاد أنا هالسوالف مول ما دانيها ، لما الأهل ادق براسهم والله رفضونا بالاول وما أدري شو ، ورفضونا مره خلاص ما بنسير .
الموضوع جداً بسيط ، يا الوالد أنا أبا البنت ، بتوافق جزاك الله خير ، ما بتوافق بعد مشكور وما قصرت ،
( صدقني بيقولك قم نسير ) ، وان سرت ، استخير قبل لا تسير وتشوف البنت الشوفه الشرعية .
والي فيه الخير ربي يجدمه
ها ما عرست بعدك
المهم العشا لو سمحت حق الشباب كلهم ، شو بعد يالسين وحليلهم يحلون مشكلتك ، لو قيس كاتب مشكلته بالمنتدى ، من زمان عرس الحين وخذا ليلو
اللي ما يباك لا تصيح تباه
أخوي الياسي
الحمد لله بعد مناقشة الأخوان بالمنتدى عرفت إنه مشكلتي عائلية مثل ما تفضلت ، أنا رمست الأبو أتريا رجعت أخوي بالسلامة
وعن العرس لا تاكل همه بخليك تيلس عالطاولة الرئيسية عندي
مشكورة أختي الفلاحية على طلتج البهية وإن شاء الله بوصل لج كرت العرس ههههههههههه
الله يوفقك
وانا اقول اتمسك فيها لين ماتاخذها لاتستسلم ابدااااا
والله فخاطري اساعدك ماعرف احب جيييييييه اجمع بين اثنين يحبون ويبون بعض بالحلال
الله يسهل عليكم ويجمع بينكم عاجلا غير اجل يارب
عاد طمنا عليك