السلام عليكم ورحمه الله وبركاته
قصتي وبإختصار
قبل سنتين شاءت الصدف إني احب بنت وتقدمت لها ولكن بالأول أهلها رفضوني بسبب (الله المستعان)
ولكن بعد فترة قصيرة من الرفض رضوا إني أتزوج بنتهم ، ولكني احين متردد بالزواج منها لأسباب عديدة
لا قادر اودرها ولا قادر آخذها ؟
ما اعرف شو اسوي صراحة ؟
ودوم افكر لو انا ما تزوجتها منو راح ياخذها ؟؟
يالله يا حلالين المشاكل شوفوا لي صرفة
اتريا رد الخبراء والمتزوجين 
يا اخى خلك عزوبى و لا تعرس… العرس ويع راس… 99.9999 من الحريم ما يقدرن الزوج هذا الزمان … بس شهر عسل وبعدها بصل!! وبعدين القانون ضد الرجل … و احلى شى يوم تطلب الخلع!! تقول خالالعه جوتى …. تصدق الاجنبيات ولو اى مشكله بينها وبين زوجها لكن الاحترام موجود ولا تغلط عليه … وتحترمه مهما كانت الاسباب!!
اذا مصر على الزواج لا بد تتأكد انها راعية دين و محترمه … و من عشر اشخاص قراب عليها!!
وسألها ليش تبين تتزوجين؟ و ان قالت حق اجيب عيال و اكون اسره او هذى سنة الحياه لا تتزوجها!
آسف يا جماعة الخير على التأخير لا تحاتون بعدني عايش ولله الحمد
الله يسر الأمور بشوف شو آخرتها مع هالزمن
راح اخبركم شو يصير معاي
الله المستعان
اقولك توكل بالله وانا اول شااهد واذا شفتك مستانس يمكن اخذ اختها ..
امورك طيبه وخلك في السليم :d
الله يوفقك ويسهل أمورك..
بغيت أسألك….فرضًا إذا تزوجت البنت(مع إحترامي لها) ما بتشك فيها
أو تخاف أنها تكلم غيرك وإنت ماتدري!!
لاتفهمني غلط…بس حبيت أوضح لك هالنقطة…
لأن الزواج مب يوم أو شهر…الزواج يعني أنك تأسس عائله على أساس
الصدق والصراحه والثقه…والزواج شراكه بين روحين مدى الحياة…
تحياتي // طاغي الحسن
أعتذر لعدم تمكني من قراءة الردود لضيق الوقت
وكل عام والجميع بخير
رأيي الشخصي
صلاة الاستخارة بنية صافية وخشوع تام وعدم انشغال بأمور الدنيا هي الحل الأنسب
صل استخارة لمدة أسبوع وباشر موضوعك (أنا أقوم بذلك شخصيا)
ان كان لك فيه خير فسيوفقك الله بإذنه تعالى وإلا فستعترضك عقبات تعيق إتمامه
والله أعلم