سلااام للطيبين والطيبات..
تنبيه عام…للي يحدرون كارفور..
أنتبه وأنت تحاسب عند الكاشير…ستلاحظ السعر على السلعة أكثر وبزيادة عندما يحسب بالكاشير عن السعر الطبيعي اللي انت شفته بداخل المتجر….
الفرق ما بين 5دراهم….
وهذا تلاعب وسياسة للكسب الغير مشروع من الكارفور على المستهلك….
يعني تكون قيمة السلعة بالمتجر قليلة لكن عندما تحاسب عن الكاشير ييم الزيادة بالسعر..وطبعا المستهلك لا ينتبه من كثرة الأغراض….!!!
وايد ذكي اللي أخترع هذه الطريقة بالسرقة…سرقة عينك عين وراقية بعد….!!!
وأنا عن نفسي رمست الأدارة وهددتهتم بالشكوى عليهم..عند جمعية رعاية المستهلك..وبررو موقفهم بعدم العلم..وخطأ مطبعي….!!!
تخيلو يا أخوان…أحنا نعرف نقرأ ونحاسب..لكن لو كان المستهلك أحد من كبار السن..أو الجاهلين بالأرقام الأنجليزية أو الحساب..!!!
فالرجاء من عنده ملاحظة يتوجه للأدارة وتقديم الشكوى عليهم…!!
ويكفينا أستهبال بعقولنا يا تجار….!!!
وهذا من واقع تجربه…..وللعلم،،،،
انا صارت معي في تركيا وفي محل ديبنهامز شفت لعبة اطفال صغيرة ومكتوب عليها 13 ليرة وسعرها يعتبر حلو ومعقول
قمت وشليتها مع باقي الاغراض
وعند الكاشير بالصدفة لمحت السعر يوم حسب اللعبة صار 131 ليرة مااستوعبت قلت له ها سعر شو وقاالي ها سعر اللعبة قلت له اشوف مب مكتوب جي
قالي تعال شوف رقم 1 صغير منخش وراء الـ13 اونه خطأ مطبعي وبالبار كود بين السعر الاصلي
قلت له خل اللعبة عندكم ومابشتريها
لو ما انتبهت جان دفعت وانا اضحك وانا مب من النوع الي يدقق بس سحان الله
حرامية على اصول ومحلات راقية بعد
الواحد ينتبه احسن
المشكلة نحن نشوف الغلط بس ساكتين عنهم
عشان جذى يتشجعون اكثر هم
المال الحرام مايدوم ,,,و ماضاع حق وراه مطالب
يا جماعة لا تحطون في ذمتكم السالفة
و ما فيها ان الاطفال تغير موقع السلع
لأن ستيكر السعر محطوط على الرف و ليس
على السلعة و لهذى عند تغير مكان
السلعة من رف الى رف تتغير سعرها .
((( معقولة 10 الاف عامل كلهم نصابيين )))
ما شالله عليج ختيه…منهج حلو..
لكن لو كل مستهلك نهج شرات نهجج…..ما تجرأو التجار بأتخاذ هذي السياسة..!!
تسلمين ع المرور الحلو،،