بصراحه ما اعرف شو اقول او كيف اعبر …
أنا في قمة البهجة .. وفي غاية الإنشكاااح 
يمكن أكون الوحيد من بين المحظوظين في دولة الإمارات …
يمكن اللي بمثل وضعي هم قليل .. وما يجاوز الواحد بالمائة …
وصلني مسج قبل شوي .. هذا محتواه …
قبلها بقولكم المرسل هو ” السادة الإتصالات المحترمة الموقرة ”
مضمون الرساله :
” لتكون واحداً من المائة المحظوظين بفرضة لقاء نور ومهند شخصياً يوم …. بفندق …. والحصول على DVD مسلسل نور ، أرسل كلمة نور إلى … سعر الرسالة 5 د ”
بصراحة مب قادر اوصف لكم فرحتي كون مؤسسة الإتصالات اختارتني من بين هالناس لأكون أحد المحظوظين بمثل هالشرف العظيم …
يا جماعة … منو يشتري مني هالشرف؟ .. وكم محظوظ نفسي استلم هالمسج؟
الله يرحم حافظ ابراهيم .. كان يوجه كلامه لشعب الكنانة ( مع الاعتذار لشعب الكنانة ).. وما ادري لو عاش لليوم شو بيقول :
وإذا سئلت عن الكنانة فقل لهم .. هي أمة تلهو وشعب يلعب
مضارب مغامر .. أنا دوم أشوف مهند (يمدح سهم أركان و سهم اتصالات دو) في موضوع التداولات اليوميه .. أما نور فمتنازل عن شوفتها لك
اهلين ياباشا …
مشكور على النصيحه .. واكيد بطبقها .. واتمنى من الاداره تحذف موضوعي يمكن واحد يقراه وعينه حاره
أقرأ على نفسك آية الكرسي والمعوذات عن الحسد
العين حق
حظوظ وانا اخوج .. ماعليه خيرها بغيرها .. اتريي يوم بييبون لميس واللي وياها ماعرف شو اسمه .. يمكن يوصلج مسج وقتها
شو السالفه
ها المسج موجود على MBC
ولمشتركي اتصالات
عادي الي يبا يطرش مسج باسم نور على الرقم