بصراحه ما اعرف شو اقول او كيف اعبر …
أنا في قمة البهجة .. وفي غاية الإنشكاااح 
يمكن أكون الوحيد من بين المحظوظين في دولة الإمارات …
يمكن اللي بمثل وضعي هم قليل .. وما يجاوز الواحد بالمائة …
وصلني مسج قبل شوي .. هذا محتواه …
قبلها بقولكم المرسل هو ” السادة الإتصالات المحترمة الموقرة ”
مضمون الرساله :
” لتكون واحداً من المائة المحظوظين بفرضة لقاء نور ومهند شخصياً يوم …. بفندق …. والحصول على DVD مسلسل نور ، أرسل كلمة نور إلى … سعر الرسالة 5 د ”
بصراحة مب قادر اوصف لكم فرحتي كون مؤسسة الإتصالات اختارتني من بين هالناس لأكون أحد المحظوظين بمثل هالشرف العظيم …
يا جماعة … منو يشتري مني هالشرف؟ .. وكم محظوظ نفسي استلم هالمسج؟
الله يرحم حافظ ابراهيم .. كان يوجه كلامه لشعب الكنانة ( مع الاعتذار لشعب الكنانة ).. وما ادري لو عاش لليوم شو بيقول :
وإذا سئلت عن الكنانة فقل لهم .. هي أمة تلهو وشعب يلعب
اعزمني يوم بتشوفهم .. بييب ويايه الخيزرانه عندي معاهم موضوع مهم ولازم ننهيه
ما شاء الله بتشوف نور ومهند ؟؟
شو رايكم نعزمهم على البر ونخلي حريه يطبخ
غداهم …
اكرام الضيف واجب
مضارب مغامر ..
طلعت محظوظه مثلك .. ووصلني المسج
يا بختي ..منو قدي s:
ما يستحون اتصالات امطرشين هالمسج حق الخلق
ههههههه
والله لوعتهم واصلة للموبايل بعد يعني اللي ما بيجوف فالتلفزيون وبيغير القناة فالتيلفون ما في مفر ككككككككك
انا بعد محد طرش لي بسير اتصور حذال مهندو ونورو كككك
والله ناس فاضية وما عندها سالفة >> حلفت يمين ههه
بس اسمينهم بيكدون من الــ 5 لكل مسج
انا بعد بسير وبطرش مسجات اللي يبا يقابلني يطرش لي رصيد ب 100 عموبايلي كككككككك
كم بحصل ؟؟ واااو ما ابى اتخيل عن انجلط لوووول
يسلمو عالموضوع خيوو ^^
بويعقوب …
انزين شو رايك اتيي ويايه ونسأل مهند عن السوق ؟ يمكن يطلع من أنصار ” ارابتك ”
أما نور فعادي .. اتريا فتره وبتلاقي كم وحده مسجله بأسم نور .. وتوصي بدانه غاز والعربية للطيران