السلام علييكم ورحمة الله وبركاته أخواني وخواتي اليوم بغيتكم تناقشووون موضوع هالتيلفون الي مسولنا أزمه بين الشباب والبنات فالدوام الكل مودر شغله ويلعب فييه فالبيت الاخوان والاخوات مايكلمون امهاتهم وابوهم ويلعبوون فيه الواحد يطلع ويا ربعه يطنشوونه ويلسوون يدردشوون فيه فالمولالات الناس بتدعممك لانه تركيزها كله فهالجهاز فأتمنى اسمع أرائكم عن هالتيلفوون الي منتشر هاليوميين وهل انت مع او ضد … والسمووحه
بالفعل منتشر وبشكل رهيب..انا شخصا ما استخدمته….
انا سمعت ربعي يرمسون من فتره يفتح جميع المواقع المحظوره..وهاي الكارثه وخاصه للمراهقين تشووف واحد ماسك التيلفوون واربعه متولفين عليه وامبققين اعيونهم شو يسوون الله اعلم هل شات هل هو مسن هل هو بالفعل يفتح المواقع المحظووره الله اعلم…
صرت اعرف ان الواحد عنده بلاك بيري يوم اشوفه مفهي ومبينه عليه علامات البلاده
صحيح انه انفلونزا
يقعد عدالك حد وياه هالجهاز وانته تكلمه وتسولف نص ساعه يقولك : نعم ؟ ؟ شو قلت ؟ ؟
وعلى قولة اخونا Mr|Yasser
مصنوع اساساً لرجال الأعمال و الموظفين المهتمين بأعمالهم، مادري ليش طاح بإيد البطاليه؟
__________________
التلفون ممتاز لخارج الدوله
التلفون موفر علي مبالغ محترمه
بسبت انه خارج الدوله شغاله الخدمه فري
اذا عندك الباكج مع رومنج
بالعكس انا ابا تتش والشاشه تكون كبيره
جربت الستورم عند ربيعي وعجبني
وسعره ارخص عن البولد
1900 درهم بالتمام والكمال
الستورم مب شي مقارنه بالبولد
عليك بالبولد وانته والخير رباعه