بسم الله الرحمن الرحيم
السلام عليكم ورحمة الله وبركاته
أخوتي الأعزاء النواخذة والسماكة والكشاته والصيادين ومحبي البحر
حبيت أسأل عن أحسن أنواع السنارات الخاصة بالتسخيط ، وأسعاره ، ومحلات البيع بدبي أو الشارقة أو عجمان ، وطريقة الصيد به ، والإهتمام به ؟
ولكم جزيل الشكر …..

10 thoughts on “أنواع سنارت الصيد”

  1. هلا بو محمد , أنا عندي خبرة واسعة في مجال انواع الصيد وخاصة السنارات , وحاليا عندي تقريبا عشر سنارات جاهزة للحداق, طبعا الصيد بالسنارة من امتع انواع الصيد وانواع السنارات كثيرة بس افضلها هي shimano وفي غيرها بعد penn الامريكية , daiwa اليابانية الاصل وهي ماركة مشهورة جدا لانها جيده ورخيصه. الميزة فالسنارة انك اذا عرفت كيف تعلمت عليها تقدر اصيد اسماك كبيرة بخيوط خفيفه.. مثلا انا امس صدت يودرة وزنها 6 كيلو بخيط trilene سمكه mm 0.36 فقط هذا الشي مستحيل بالطريقه التقليدية … وذلك لانه مثل ما ذكر احد الاخوان لازم تضبطها على قوة سحب معينه وبعدها تسمح للخيط انه يطلع بالاتجاه المعاكس عشان ما ينقطع…عشان اوضح لك الصورة اكثر , لنفترض عندك خيط قوة تحمله 10 كيلو . لازم تضبط السنارة انها تسمح للخيط انا يرتخي على قوة تحمل اقل من 5 كيلو وبهالطريقة تتجنب انقطاع الخيط.. بس باختصار لانه الموضوع طويل وشيق, في امور لازم تاخذها فالحسبان عشان تميز مكينة السنارة الجيدة .. اولا نظام السحب لازم يكون مرن وبتحصله مكتوب على الكاتالوج (drag system) ثانيا ال ball bearings داخل السنارة يفضل الا يقل عن 4 بيرنجس.جسم المكينه لازم يكون من مواد غير قابلة او مقاومة للصدأ مثل ال stainless steel أو الالمنيوم او الكربون القوي, والموضوع طويل جدا ولو حبيت تفاصيل اكثر تقدر تراسلني.. وهذه مقدمات فقط للدخول في عالم السنارات والسموحة

  3. السلام عليكم..اخوي بو محمد
    من خبرتي في استخدام السنارات..افضل الماركات هي Penn و Daiwa
    و في موديلات عليهم غيارين لسهولة السحب…واذا بغيت معلومات زيادة انا حاضر.

    بسم الله الرحمن الرحيم
    السلام عليكم ورحمة الله وبركاته
    جزاك الله خيرا .

  4. السلام عليكم..اخوي بو محمد
    من خبرتي في استخدام السنارات..افضل الماركات هي Penn و Daiwa
    و في موديلات عليهم غيارين لسهولة السحب…واذا بغيت معلومات زيادة انا حاضر.

  5. الاخ بو محمد ..

    خبــرتــي مب وايده ف البحـــر … لكن أنصحك بهذه السنارة … جربتهـــا أكثر من مره … و الصراحة جدا ممتـــازة

    أولا فيها كـــيــر يرخـــي و يــشد ع الخيــط حسب نوع اللفاح اللي تبغيه

    ثانياً فيها فحمــه اطلع صوت مثل الصفارة يوم يشــتد الخيــط (يوم تضرب السمجــه عندك )

    ثالثاً الكوالتي فيها جداً ممتاز

    مشكلتها … تحتاي وقت لين ما تتعلم عليها و على ميزان الكـــيـــر … بس يمكن بعد كم طلعه بتتعود عيهـــا

    هذه الصــور

    الكيـــر

    اسم السنارة

    و هذه صورتهــا

Comments are closed.