أن شاء الله يتم ايجاده كوكاتو سيلفر كريستد

36 thoughts on “أن شاء الله يتم ايجاده كوكاتو سيلفر كريستد”

1. الله يعينك على الفراق
   مجربينه من قبل
   البيت يصير فيه حداد و حزن فترة طوبلة اللين يجي اللي يحل مكانه

   على العموم
   من واقع تجربة
   الكوكاتو ما يبعد بعيد الا لما يخاف أو يشوف الدنيا قدامه مفتوحة (فضاء)
   مشكلتك هنا ان المكان كله بنايات يعني فرصة التنقل له كانت موجودة و أقرب مكان يمكن يتواجد فيه أعلى شجرة قريبه منه

   مشكلة ثانية لو أن في أحد حاول يصيده وهو فوق بناية عالية راح يفرد جناحه لأبعد مكان يقدر يطير إليه

   نصيحة مني
   أذا كنت ساكن في بيت و حواليك بيوت
   فدور في الشجر اللي جنبك, من عوايد الكوكاتو أنه يلبد في مكان ولا يطلع صوت و يتم ينقنق من الشي اللي جنبه اللين يعطش وساعته ينزل يدور ماي وهم بعد يرجع لنفس مكانه

   الكوكاتو اللي معاي مربيه للحين 4 سنوات
   بدون قص الجناحين و متروك حر في البيت و أطلع معاه المزرعه ومشاوير أخذه معاي و دايم يطير فوق الشجر بس إذا قرب الليل ينزل.
   قبل كم شهر زقرته ومن عوايده أذا ازقره يهرب أو يحتمي عند أي شخص قريب منه
   وقت الزقره ما كان جنبه أحد فطار فوق نخله وحاولت أنزله غصب ففرد الجناحين و سفح في مزرعة قريبه و دورنا عليه بس ماش أي أثر فقلنا أكيد أنصاد وحطينا جائزة و أعلنه حالة طوارى للبحث بس هم بدون فايدة

   ثاني يوم رجعت لنفس المكان أدور عليه الصبح بدري و لا لقيت له أثر فسلمت أمري لله و أقنعت نفسي أنه أنصاد

   بس ما جت المغرب الا و صديقي يتصل فيني ويقول تعال خذ طيرك تراه رجع ولعب في الزباله لعب وخرب المكان (من عوايده يشرب الباقي اللي في علب البيبسي وأغراش الماي).
   أن شاء الله تلاقي طيرك مثل ما أنا لقيت طيري

   

Comments are closed.