أوفى الرجال , صاحب السمو الشيخ خليفه بن زايد آل نهيان , رئيس الدوله

رجعت لكم بقصيده

لشعب الامارات وكل من سكن فيها والمنتدى وكل من شارك فيه

شغل قبل أن تقراء

http://www.inshad.com/Contributions/Al_Dar_YaKhalifa/Ya_Khalifa_N_AlDar_Band.mp3

يا بحور أحلى القوافي زيّني حـرف المقالـه
وانتقي ما زان ذكـره واتركـي منـه رذيلـه

لن في شعري طرايا من له الطاري انحنى لـه
لي له الطروى حسينه والفعايـل هـي دليلـه

لي ورد من نسل “ياسي”شيخ من أزكى سلالـه
يكفي انّه “ولْد زايد” ولد مـن مـا بـه مثيلـه

ذا خليفـه والخليفـه والموصـى بالرسـالـه
لي علينا صار قايد وارتضـى حملـه يشيلـه

شال حمل الشيخ زايد في امـارات الأصالـه
بعْد ما كفّى ووفّى وْزاد مـن خيـره جميلـه

قال عنْه الشيخ زايد:هـو ملاكٍ”فـي فصالـه
من كثر طيبـه وحبـه بـات يسقينـا هميلـه

شوف كم أعطى وسوى,,قايدٍ والطيـب فالـه
قام يجبر في كسور اللي تلَـوّى مـن عويلـه

شيخ ودْ شيخ ٍ تربـى فـي مياديـن البسالـه
خذ من الحكمه دروس وْ م الحياه طرْق وْوسيله

من إمارات المحبـه للخليـج أبـدى وصالـه
بالتواصل مـا تغاظـى لا ولا يبطـي نزيلـه

كل شعبه يشهدوا لـه فـي وفـاه وْ إعتدالـه
صان دستور ٍ تنامـى فـي مواثيـق ٍ شميلـه

يا عسانـا فيـه نذخر,,يحفظـه رب الجلالـه
ما لفانا منْه قاصر فـي دروب الخيـر ميلـه

راح زايد بس خلّى شيخ مـن أوفـى رجالـه
وابتدى التاريخ يحصي سيـرة الشيـخ بْدليلـه

واختم أبياتي وصلوا عد مـا نحصـي مجالـه
والعذر لو جت حروفي من أحاسيسـي قليلـه

و جاري البحث والتحري عن كاتبها

لحفظ الملف الصوتي (http://www.inshad.com/Contributions/Al_Dar_YaKhalifa/Ya_Khalifa_N_AlDar_Band.mp3)