صبحكم الله بالخير و السرور ان شاء الله
كيف الحال ان شاء الله بخير ونعمه و صامدون اماام موجات البرد و الهبوط 
امممم هذا اول موضوع لي في المنتدى و ان شاء الله يعجبكم
بصراحه هالموضوع في بالي من فتره بس كل مره اتعايز انزله لكن هالمره قررت انزله لانه السالفه بدات تزيد عن حدها
اخوانا المستثمرين الاعزاء الحين في موجات الهبوط لسوق كن متاكد انه مب بس انت خسران في غيرك خسراين الي خراسن من 100 درهم الين ارقام تتجاوز السته اصفاار
لكن في نهايه اليوم يجب ان لا نخسر انفسنا… زين شو السالفه؟؟….
بخبركم شو السالفه … السالفه ياخوان الخير انه بعض وليس الكل وحرام التعميم في بعض المستثمرين و العملاء سبحان الله من ينزل السوق مايقول الا الوسيط هو السبب
زين الحين شو دخل البروكر في نزول السهم ؟! البروكر ماهو الا مدخل اوامرك و اوامر غيرك .. بخبركم شو يصير يمكن انتوا ماتنتبهون ع هالشي
بعض الناس يبدا بشتم و السب و اللعن بعد زين قلنا خسرانين بس اخي الفاضل البروكر تراه في النهايه هو انسان هب بشكار يشتغل عندك سمحولي هيه مب بشاكير هم يعني الحين هل يرضيكم انه حد يسبكم ويشتمكم ؟؟ لاتقولون نفسيه الخساره هذا عذر اقبح من ذنب لانه مب بس انت الي خسران وايد ناس خسرانين بس مب الكل يسب ويشتم ويلعن بخبرك مره عميل يلس يلعن في السهم اول مره سكت عنه ثاني قلت له لو سمحت بسك تلعين ماخرب السوق الا هالتلعين استغفر الله تراكم تدعون ع عمارك مب انتوا حاملين السهم شي عجيب صراحه
ماينتهى القصه جيه بعد يتصل بك عميل و يحط امر بيع ولا شراء و مشكله يحط يبا يسحب مثلا ماركت ع سعر البيع واذ ماعطوه انت السبب انت بطي لا و الله ؟؟ يوم عينك ع هالسهم قول من الصبح لاتيلس فجاه تنقز و تتهم البروكر انه بطي و انه مايعرف شي … لاتحسبون انه البروكر مايرد لانه هو غلطان لا لكن لانه عقليه customer always right + كم واحد بيضارب وبيضارب جان بضارب كل واحد جيه مابتم عميل
في مرات الاومر تتاخر بسبت سستم السوق هذا عاد البروكر ماله دخل بيها يدخل و الباقي ع السوق .. ياخواني تراه مب الا انتوا الي تحطون اوامر في غيرنا يدخل اومر وفي غيرك يفكر بنفس الاسلوب ويقول اسحب الكميه المعروضه نفس ماانت طالب يعني شغلت ثواني تفرق… ولا يوم تقول mkt=ماركت تحمل القصد من هالكلمه يعني ممكن تروح باي سعر في ناس يقولون ماركت ويوم ماتروح ع السعر الي متوقعه او تروح ع كذا سعر ينازع و يشاعط ليش تراك قلت ماركت ؟؟!! يعني الواحد بعد يتحمل تبعات قراراته صح ولالا؟؟ انا مابقول كل الوسطاء اخلاقياتهم توب لكن ليش نخلي الفلوس تعمي عيونا و تخلني نتعامل مع الناس باسلوب فض و سلوب مافيه احترام لانفسنا قبل مايكون لغيرنا ؟؟؟ تراه الانسان سمعه في عميل لو بعد 5 سنين بعد يقولون والنعم فيه وفي عميل يسوي موقف واحد من سنين صاير و الين الحين يقولون هذا العميل الي ضارب الوسيط
ومشكور وسمحولنا ع الاطاله ومثل ماقلت هالموضوع ليس بالتعميم ع الجميع لكن لفئه معينه و الدين النصيحه في نهايه الأمر وماقصدي من هالموضوع الا انه انبه ع هالشي الفلوس ترها تروح و تي ومابت غير عملك الي بتتحاسب عليه يوم القيامه
صراحه في خاطري وايد متغصصه خخخخخ هذا كله من خساره السوق يعين الله صدق لي قالوا انه الاسهم ادمان
الله يعينن البروكرين وقت نزول السوق ,حتى لو مب اانتو السبب لكن الشتم واللعن جاينكم جاينكم هههه
ويا حظكم يوم السوق مرتفع هذا اذا ما جاكم العميل طبعا في مقر العمل وجايب معه كاش هديه,,,السموووحه نبذه عن الواقع المحتم,,,
صـــــــــــــــــــــــــــــــــــــــــــــــــ ـــــــــــــــــــــــــــــــــــححححححح لسانك
تراني انا بروكر جديد وطالع عيني
ادخل الامر يلاااااااااااااااااااااااااااااااا بسررررررررررررررررررررررررررررررررررعـــــــه
الله يعينا
مرحبا اخوي ومشكور ع هالاضافه ماقصرت بس معلومه بسيطه العميل مب ملزوم يسمع رمسه البروكر اصلا قانون السوق يمنع اني انصحك تبيع او تشتري فيها غرامه هاي و مثل ماقلت لك مب كلهم زنين في منهم نصابين
و ماقصرت ع مداخلتك الطيبه الله يجزاك الف خير ان شاء الله وكلامك كله صحيح ماعليه غبار
عليكم السلام
الكلام كله على العين والراس لكن بعض البروكرية يعطي نصايح ومعلومات مب كافية يعني ما يقتصر شغله على التنفيذ فقط وهذا طبعا في النهايه راجع لصاحب الشأن يأخذ بالنصيحه , والكلام الي قلته او قلتيه كله صح لاني لاحظت مع نفسي حتى اني اذا اشتريت السهم برخص ادعي يصعد عسب الربح واذا صعد السهم وابغي اشتري ادعي انه ينزل فيوجد تناقض وادعيه مالها معنى فأنا أأيد الكلام المذكور واتمنى من الاخوان الحمدلله والشكر سواء نزل او صعد السهم وذكر الله في كل الامور سواء فالربح او الخساره (( ترى الخسارة خسارة الروح )) والي ياخذ برأي البروكر هو مسؤول عن النتايج والبروكر فالنهاية مب مسؤول عن نزول او صعود السهم اذكروا الله وخلو قلوبكم قويه وفي الامارات مافي شي اسمه خساره الحمدلله الله رازقنا فكل شي لاحظوا حتى الهوى في رزق (( ابراج على ارتفاعات )) البحر (( النخلة وغيرها )) البر ( مستفادين من رمله ومن اراضيها وخيرها بعد )) فالحمدلله على كل شي بس ناقصنا الشكر والحمد لله على هالنعم ومحد بيكون خسران انشالله ولا بنطرق للسب واللعن في اي شي وهاي وجهة نظري
وشكرا على طرح الموضوع
مشكورة اختي على الموضوع