أيهما تختار التاهو 2008 أو اللاندكروزر 2008

6 thoughts on “أيهما تختار التاهو 2008 أو اللاندكروزر 2008”

1. استيشن
   وسعره فيه ولو بعد خمس سنين

2. السلام عليكم انا مع اخ dubai888 الاستيجن افضل من التاهو

3. انا اقول الاستيشن

   خراب ماشي ابد، عشر سنين وانت والخير رباع
   ومبروك مقدما !!

4. كلهم واحد سير وكاله التاهو وقولهم عطوني تست درايف بيعطونك وفي الصرفيه نفس الشي بس التاهو اوسع شوي عن لستيشن والله اوفجك

5. السلام عليكم ورحمة الله وبركاته..

   إخواني أعضاء المنتدى انا حاب تعطوني رايكم شو الأفضل التاهو 2008 Ltz أو اللاندكروزر Vxr

   طبعا هين انا ما أقرن بالسعر يوم تشتريها من الوكالة أو سعر السيارة لما تبيعها .. انا هني اتكلم

   عن صرفيتها للبترول .. الشكل الخارجي.. الوسع من الداخل.. الثبات في الخط .. كاتم للصوت يعني

   مايدخل هوا..الأوبشن وترتيب الأزرار .. القوة في الرمل ..السيرفس ..

   ياريت ما تبخلوا علي بمعلوماتكم للي جرب السيارة وللي سمع عنها ..

   تحياتي…

   كم تدفع اول

   بالنسبة لسؤالك حسب خبرتي في السيارتين الاثنين

   كا شكل خارجي التاهو من وجهة نظري احسن احس انة الاند كروزر شبية للبرادو ليوته الخلفية مضحكة

   اما ابترول على حسب اذا الستيشن 8 سلندر تقريبن الصرفية متقاربة ولو انهى كفة الامريكي ترجح

   كرحابة من الداخل وراحة للسائق والركاب اكيد التاهو وللعائلة احسن من الكروزر واما بالنسبة للثبات

   كلاهما سيارات عائلة فليس للثبات بينهم شي ولكن التاهو بحكم وزنه اكيد بيكون ثباته اكثر

   واما بالنسبة للهواء اثناء السرعه انا التاهو استخدمته ولا تحاتي من هذي الناحية اما الكروزر بصراحة ما

   مشيت فية بسرعه عالية طبعاً الشكل الجديد بالنسبة للقيادة في الرمل التاهو اكيد اقوى بدون جدل

   اما بالنسبة للسيرفس الكروزر اقل تكلفة لانة بالامارات منذو فترة طويلة اما السيارات الامريكية قليلة جداَ

   في الامارات يعني سيارة جديدة على السوق الاماراتي بيكون السيرفس خارج الوكالة مكلف اما داخل

   الوكالة تستطيع ان تستفسر عنه باتصال بالوكيل . اما لو كنت انا لشتريت التاهو بدون سؤال وجواب

   هذا وتقبل تحياتي

Comments are closed.