لاحظت في الفترة الاخيرة كثير من الاعضاء يسألون عن أسعار بعض السيارات المستعملة
وبحكم ان لدي خبرة بسيطة في هذا المجال حبيت أخدم وأساعد اخواني في المنتدى عشان مايتسرع في بيع سيارته او يشتري سيارة بأكثر من قيمتها .
والمعلومات المطلوبة هي :
أي تفاصيل عن السيارة مثل نوع السيارة – الموديل – أي فئة ( فل كامل .. ) حالة السيارة بشكل عام .
علماً بأن الاسعار تقريبية أتمنى ان يستفيد منها اعضاء المنتدى الكرام
ملاحظة : وأي استفسار عن سيارة معروضة في المنتدى سيتم الرد عبر الخاص ( منعاً للاحراج )
ابو فرح الله يعطييك العافيه
صراحه مدري كييف سهييت عن المواصفات الثانيه هههههههه شكلي كنت مطفي النور !!
المواصفات من جديد أرمادا le 2006 فل كامل + دبل خليجي ماشي 170 الف ، اللون رصاصي غامق ، البودي نظييف صبغ وكاله
وشكرا مقدما
موضوع وايد روعه
عندي استفسار على الكيا الاوبرس 2009 رقم 3 6سلندر كم تساوي؟
السلام عليكم اخوي الغالي
عندي سيارة مرسيدس e500 موديل 2010
فل اوبشن ، نافيجيتور ، نايت فيجن
لون السيارة ابيض
الحالة ممتازة جدا
الكيلو : 11652
عليها 2 صيانة مجاني
من مشاريع قرقاش
عندي سيارة لكزس rx330
موديل 2005 فل اوبشن
اللون اخضر فاتح ميتاليك
الحالة جيدة جدا
الكيلو بحدود 80 الف
صيانة من الصفر لغاية الان وكالة الفطيم
حنان / سعرها ممتاز اهم شي حالة السيارة تكون جيده .
راعي فزعة / اللكزس 148 – 155
سلطان / البي ام 130 ولو بدون حوادث يستاهل زود شوي
العين / حياك الله وربنا ييسر الامور ان شاء الله ولاتنسانا من صالح الدعاء
ابوتركي / الحمدلله يسرك الحال ،، الارمادا ماحددت الموديل وهل امريكي او خليجي . بانتظارك عزيزي
ماير / البي ام نادر اشوفه بالمعارض واتوقع والعلم عند الله مايتجاوز 56 الف ولونه ثقيل يمكن يسوى اقل .
لومينا اس اس / اتوقع 57 ويمكن اكثر لو نظيفه جدا وبدون حوادث .
ولاتنسونا من صالح الدعاء لاخوكم المسلم – ابوفرح
بغيت تقييم
لومينـا أس موديل 2009
تم شرائها سنة 2010 شهر أربعة يعني عقب شهر بتكمل سنة
ما شيه 42 ألف كيلو
عليهــا كات باك الأس أس وكالة أربع مخارج
وعليها طقم هولدن كامل.