السلام عليكم و رحمة الله و بركاته …
شفت كم واحد طالبين عطوور من المطار بحكم انه ارخص فالسعر .. او انه مب موجود فالاسواق برع ..
حبيت احط هالموضووع لاي شخص حاب انه يشتري اي شي من السوق الحره ..
من عطور او اي شي فخاطره …
ما عليه الا انه يذكر اسم العطوور لي يباها .. و بوفرها لكم باذن الله ..
و فيه عطر يديد بعده ما نزل فالاسواق بينزل عقب رمضان ان شاءالله .. اسمه ( ماكليف وايت سي -رجالي ) white sea
والنسائي مب متأكده من اسمه
ف أي حد حاب لا يتردد في مراسلتي … 
و حياااكم الله في اي وقت ……
السموحه
ممكن اختي تعرضين لنا المنتجات الغير متوفره بالسوق و تتوافر في السوق الحره .. و دمتي بخير
ان شاءالله اخويه بشووفه لك ..
ان شاءالله ختيه بشوفه باجر ان شاءالله
اختي بغيت عطر اسمه [ كاربون ]
جي يكون شفاف و البيب اللي داخل اسود عريض ..
ولد عمي يابه لي من بريطانيا و ما شفته في البلاد
اذا موجود في السوق الحره ياليت تخبريني سعره
و هذا رقمي
0501173313
هلا الغاليه بغيتج تشوفيلي خاتم في سوارفسكي
الخاتم ذهبي وفيه سلسلتين واخر كل سلسلة كره
ياليت تشوفيلي كم سعره وتراني جاده في الشراء
برسلج بياناتي على الخاص
ومشكوره على العرض
ملاحظه : الاسعار في السوق الحره ارخص بوايد عن باريس غاليري مره اشتريت شنطة جيفنشي ب 1500 درهم وعقب سنة شفتها في باريس غاليري على 2200 درهم
تحياتي