بسم الله الرحمن الرحيم
السلام عليكم ورحمة الله وبركاته
كل عام وأنتم بخير بمناسبة عيد الفطر المبارك
وعساكم من العايدين كل حول وكل سنة
أخواني وأخواتي أرجو مساعدتكم في قضاء إجازة العيد في الإمارات الشمالية
السؤال عبارة عن المناطق المناسبة للعائلات والفنادق وأسعارها
يعني الأعضاء اللي في الإمارات الشمالية اللي ممكن يساعدوني
تراني أول مرة أسير هناك ياليت حد يساعدني
شـكــ وبارك الله فيكم ـــرا لكم … ولكم مني أجمل تحية .
السلام عليكم ورحمة الله وبركاته
اخوي اذا عندك سياره ايديده وكاله
لا اتيي راس الخيمه
نفس ماذكرو الاخوان
منتجع عين خت وايد فنان خاصه عالشتا
تعفد بذاك الحوض الي يصلخك
هههه
وعندك كم فندق براس الخيمه .. الهلتوون وغيره وانصحك تحجز ع فنادق الي عالبحر او شاليه عالبحر
على حسب ميزانيتك الشيخ فيه الغالي وفيه المعقوول
ومر على خالد حريه واطلبه جشيد
والامور طيبه
^-^ واتمنى اني افدتك
السلام عليكم….
أنصحك إتي راس الخيمه عندك أماكن ع كيف كيفك………
منها روتانا كوف .. فندق عين خت بين الجبال والطبيعه ….. منتجع الهيلتون في معيريض تابع لفندق الهيلتون … والكثير من الفنادق والمنتجعات ورأس الخيمه ممتعه وفندق العقه ومنتجع جالا روعه اللي بالفجيره رووووووووعه….
وكل عام وأنت بخير ..
ام القيوين ..^^
يا حيكم فيها
ههه بس صراحه ماعدنا مكان هنيه ممكن تزورينه فيها غير فشتاء البر في فنادق لاكن ماشي اماكن تتمشون او شي
نصيحه مني
الفجيره مثلا …او حتى العين او ابوظبي او دبي
وبالتوفيق ان شاء الله
اختي الله يوففقج انشاء الله بس المشكلها لجو الحين حار فمافي عندج غير الاماكن المغلقه مثلن عندج امارة الفجيره حلوه فيها مجموعة فنادق روتانا ومريديان العقه هذا بين الخور وبين دبا فنص
عندج خورفكان صح فيها فندق واحد بس يعني حلوه هي
واذا بغيتي راس الخيمه بعد فيها مجموعة منتجعات وفنادق حلوه وامارة راس الخيمه حلوه وانشاء الله اهلها يساعدوونج …
طبعن الامارات الباقيه مانصحج وايد زحمه وبتتضايجيين ع العموم انشاء الله الاخوان مايقصروون ويااج