السلام عليكم ورحمة الله وبركاته
وبعد
بصراحة لا أعرف كيف أبدأ بهذا الموضوع ، وإلى متى يضل الانسان يكتم ويصبر على ما حوله .

كنت قبل 4 أيام ماشي بسيارتي وانا بصراحة ما أسرع ، المهم اني كنت أمشي بإمارة ….. وكانت سرعة الشارع 80 كلم في الساعة وأنا كنت أمشي 90 كيلو في الساعة والمعروف أنهم يعطونك 20 كيلو فوق سرعة الشارع عقب الرادار يصورك على هذي السرعه ، تفأجاة بالاشارة قدامي خضراء وقمت وضغت على الموتر ووصلت تقريبا 104 كيلو في الساعة واذا بي تفأجات بالرادار من الخلف قلت لا حول ولا قوة الا بالله قدر الله وما شاء فعل المهم اخواني جيكت ع المخالفة فإذا انا افاجاة بن قيمة المخالفة 600 درهم مع العلم اني مسرع فوق سرعة التصوير فقط 4 كيلو فقط .

السؤال هنا : لماذا قيمة المخالفة 600 درهم .

اتصلت واستفسرت قالوا انت زدت على سرعة الشارع 30 كيلو وتضاعفت المخالفة ، قلت يا جماعة الخير انا اسرعت على سرعة التصوير 4 كيلو او بمعنى اخر 10 كيلو فلماذا هذه الدهاليز والمنعطفات ؟؟

هل من أجل تحصيل مبالغ أخرى ؟؟ ألا يكفي الغلاء الحاصل ؟؟ حتى مخالفات السيارات أصابها الغلاء ؟؟

ولماذا يعطوك 20 كيلو فوق سرعة الشارع ؟؟ هل لاجل تحصيل مبلغ أكبر وأدسم ؟؟ أو بمعنى أخرى أن تكون أقل مخالفة 600 درهم ؟؟

أتقوا الله فينا … فنحن بشر .

ثانيا :- سياراتي عليها سالك وأدخل كل يوم تقريبا من بوابات التعرفة المرورية ( هالك ) أقصد سالك واليوم جيكت على المخالفات بحكم المخالفة الاولى اتضح ان لدي مخالفة مرورية وهي المرور من البوابات دون وجود رصيد والمخالفة بتاريخ 18-9-2008 ، انا بصراحة استغربت و قلت انا مستحيل امشي وما عندي رصيد انا كل ما يستوي رصيدي 30 درهم اعبئ الرصيد .

اتصلت عليهم وقلت لهم عندي مخالفة تمت الموظفة تطقطق في الكمبيوتر بعد تقريبا 7 دقايق قالت يا خوي انت مريت وما عندك رصيد ، قلت لها مستحيل اختى انا رصيدي ما وصل عمره 30 لاني دايما احط رصيد عسب هالاشياء قالت لا ما كان عندك رصيد قلت اوكي ممكن تجيكي التاريخ الي قبله كم كان رصيدي قالت عندي 28 درهم قلت لها اوكي اختي انتي شايفه عندي 28 درهم كيف يتني اليوم الي عقبه قالت مادري بس انت مريت وما عندك رصيد .. بالصدفة انا في تاريخ 20-9-2008 حطيت رصيد وهو 100 درهم والموظفة وهي تقولي على التعلميات قالت مفروض تحط قبل 48 ساعة قلت لها الشي الثاني انا حاط قبل 48 ساعة وانتي الي قلتي اني حاط بهالتاريخ قالت ياخوي سر قدم تظلم بهالخصوص وتقريبا احتمال 30 في المية بيوافقوا على هالشي .

السؤال :- طالما أن عندك بطاقة لماذا يسجلوا عليك مخالفة ، ليش ما يكون عالحساب يعني مجرد انك تحط فلوس تنخصم قيمة التكلفة او مرات المرور ؟؟ هذا مجرد جني أرباح ؟؟ أو بمعنى أخر هاااات فلوس ؟؟؟؟

اترك لكم المايك للتعليق

29 thoughts on “إدارات المرور إلى أين !!!”

  1. اذا انت تقول التزام في القانون بس ياخوي هل من المعقول ان المخالفات تبدأ من 400 درهم وما حد بيتخالف ب 400 درهم الكل بيتخالف ب 600 درهم … وعن مبدأ ان المخالفات للسلامة وليس للغرامة ما اعتقد والا كان كلامهم بيكون أكثر ضوحا … هذا اولا وثاني المفروض يكون التدرج في المخالفات تدريجيا وثالثا اذا كان مثل ما قلت انه مبدأ للسلامة هل يعقل ان يتم دس الرادار وراء الشجر وما تدري عنه شي الا يوم تسير تدفع المخالفات وانت اصلا ما تدري ان الرادار صورك شو من هدف اذا كان الرادار محطوط ورا شجرة او ورا لوحة وما تدري به .

    كيف محد بيتخالف بالسرعه القانونيه للشارع ..!!

    الحين اغلبية الرادارات في الدوله مضبطه على نفس سرعة الشارع .. نفس ماقال اخونا رحال اذا سرعة الشارع 80 بيضبطك الرادار بسرعة 81

    والشي الثاني اذا انت متقيد بسرعة الشارع القانونيه لو الرادار مب الا مدسوس تحت الشجر لو خلوه تحت الارض مابيزخك ..!!

  2. ياخوي انا مره كنت امشي في بوظبي خط مصفح ..

    كنت امشي 160 ..

    وسرعة الشارع 100 ..

    وتصوير الرادار 120 ..

    —

    ماشوف الا من بعيد لواح يشتغل وسيارة الشرطه وراي .. خذت عنه المخالفه وتوكلت كملت دربي

    ويوم جيكت على المخالفه .. حصلتها 900 درهم !!

    ..

    صح انا غلطان اني مسرع .. بس ماكنت مسرع بدون سبب .. الظروف أجبرتني !

    بس يالله .. الله كريم =)

  3. بعض الشوارع مافيها 20 كم زياده 80 يعني 80 واحد و 81كم تتخالف مافي تفاهم وخاصه المناطق السكنيه او المزدحمه

  4. الله يعينك اخوي
    انا مابعلق عن سالك لني ماعرف الصراحه كيف نظامهم
    لكن بالنسبه للمخالفه اللي تتكلم عنها
    معروف القانون اليديد
    بشرح بسيط ومبسط
    سرعة الشارع = 80 كم
    وضبط الرادار = 100
    السرعه الاضافيه المسموح فيها = 20
    طبعا القانون اليديد مخالفات الرادار تبدا 400 درهم وتزداد بكل 10 كيلو 100 درهم
    والزياده فوق 10 كيلو تحتسب للمخالفه الاشد
    يعني صح سرعة الشارع 80 ويضبط الرادار بسرعة 100 لكن … وقت الضبط بيحسبولك من السرعه القانونيه واللي هي 80
    وبذلك المخالفه صحيحه 100%
    ولو كنت خاف السرعه وترييت شوي جان ماكنت بتخسر من وقتك وايد ولا بتخسر بيزاتك
    ومثلما كان شعارهم في القانون اليديد
    (( هدفنا سلامتك لا غرامتك ))
    وصراحة وادري البعض تزعله الصراحه .. اللي يتقيد بالقانون محد يقدر يقوله شي
    والله يعينك يا خوي

    اذا انت تقول التزام في القانون بس ياخوي هل من المعقول ان المخالفات تبدأ من 400 درهم وما حد بيتخالف ب 400 درهم الكل بيتخالف ب 600 درهم … وعن مبدأ ان المخالفات للسلامة وليس للغرامة ما اعتقد والا كان كلامهم بيكون أكثر ضوحا … هذا اولا وثاني المفروض يكون التدرج في المخالفات تدريجيا وثالثا اذا كان مثل ما قلت انه مبدأ للسلامة هل يعقل ان يتم دس الرادار وراء الشجر وما تدري عنه شي الا يوم تسير تدفع المخالفات وانت اصلا ما تدري ان الرادار صورك شو من هدف اذا كان الرادار محطوط ورا شجرة او ورا لوحة وما تدري به .

  5. الله يعينك اخوي

    انا مابعلق عن سالك لني ماعرف الصراحه كيف نظامهم

    لكن بالنسبه للمخالفه اللي تتكلم عنها

    معروف القانون اليديد

    بشرح بسيط ومبسط

    سرعة الشارع = 80 كم

    وضبط الرادار = 100

    السرعه الاضافيه المسموح فيها = 20

    طبعا القانون اليديد مخالفات الرادار تبدا 400 درهم وتزداد بكل 10 كيلو 100 درهم

    والزياده فوق 10 كيلو تحتسب للمخالفه الاشد

    يعني صح سرعة الشارع 80 ويضبط الرادار بسرعة 100 لكن … وقت الضبط بيحسبولك من السرعه القانونيه واللي هي 80

    وبذلك المخالفه صحيحه 100%

    ولو كنت خاف السرعه وترييت شوي جان ماكنت بتخسر من وقتك وايد ولا بتخسر بيزاتك

    ومثلما كان شعارهم في القانون اليديد

    (( هدفنا سلامتك لا غرامتك ))

    وصراحة وادري البعض تزعله الصراحه .. اللي يتقيد بالقانون محد يقدر يقوله شي

    والله يعينك يا خوي

Comments are closed.