السلام عليكم ورحمة الله وبركاته
وبعد
بصراحة لا أعرف كيف أبدأ بهذا الموضوع ، وإلى متى يضل الانسان يكتم ويصبر على ما حوله .
كنت قبل 4 أيام ماشي بسيارتي وانا بصراحة ما أسرع ، المهم اني كنت أمشي بإمارة ….. وكانت سرعة الشارع 80 كلم في الساعة وأنا كنت أمشي 90 كيلو في الساعة والمعروف أنهم يعطونك 20 كيلو فوق سرعة الشارع عقب الرادار يصورك على هذي السرعه ، تفأجاة بالاشارة قدامي خضراء وقمت وضغت على الموتر ووصلت تقريبا 104 كيلو في الساعة واذا بي تفأجات بالرادار من الخلف قلت لا حول ولا قوة الا بالله قدر الله وما شاء فعل المهم اخواني جيكت ع المخالفة فإذا انا افاجاة بن قيمة المخالفة 600 درهم مع العلم اني مسرع فوق سرعة التصوير فقط 4 كيلو فقط .
السؤال هنا : لماذا قيمة المخالفة 600 درهم .
اتصلت واستفسرت قالوا انت زدت على سرعة الشارع 30 كيلو وتضاعفت المخالفة ، قلت يا جماعة الخير انا اسرعت على سرعة التصوير 4 كيلو او بمعنى اخر 10 كيلو فلماذا هذه الدهاليز والمنعطفات ؟؟
هل من أجل تحصيل مبالغ أخرى ؟؟ ألا يكفي الغلاء الحاصل ؟؟ حتى مخالفات السيارات أصابها الغلاء ؟؟
ولماذا يعطوك 20 كيلو فوق سرعة الشارع ؟؟ هل لاجل تحصيل مبلغ أكبر وأدسم ؟؟ أو بمعنى أخرى أن تكون أقل مخالفة 600 درهم ؟؟
أتقوا الله فينا … فنحن بشر .
ثانيا :- سياراتي عليها سالك وأدخل كل يوم تقريبا من بوابات التعرفة المرورية ( هالك ) أقصد سالك واليوم جيكت على المخالفات بحكم المخالفة الاولى اتضح ان لدي مخالفة مرورية وهي المرور من البوابات دون وجود رصيد والمخالفة بتاريخ 18-9-2008 ، انا بصراحة استغربت و قلت انا مستحيل امشي وما عندي رصيد انا كل ما يستوي رصيدي 30 درهم اعبئ الرصيد .
اتصلت عليهم وقلت لهم عندي مخالفة تمت الموظفة تطقطق في الكمبيوتر بعد تقريبا 7 دقايق قالت يا خوي انت مريت وما عندك رصيد ، قلت لها مستحيل اختى انا رصيدي ما وصل عمره 30 لاني دايما احط رصيد عسب هالاشياء قالت لا ما كان عندك رصيد قلت اوكي ممكن تجيكي التاريخ الي قبله كم كان رصيدي قالت عندي 28 درهم قلت لها اوكي اختي انتي شايفه عندي 28 درهم كيف يتني اليوم الي عقبه قالت مادري بس انت مريت وما عندك رصيد .. بالصدفة انا في تاريخ 20-9-2008 حطيت رصيد وهو 100 درهم والموظفة وهي تقولي على التعلميات قالت مفروض تحط قبل 48 ساعة قلت لها الشي الثاني انا حاط قبل 48 ساعة وانتي الي قلتي اني حاط بهالتاريخ قالت ياخوي سر قدم تظلم بهالخصوص وتقريبا احتمال 30 في المية بيوافقوا على هالشي .
السؤال :- طالما أن عندك بطاقة لماذا يسجلوا عليك مخالفة ، ليش ما يكون عالحساب يعني مجرد انك تحط فلوس تنخصم قيمة التكلفة او مرات المرور ؟؟ هذا مجرد جني أرباح ؟؟ أو بمعنى أخر هاااات فلوس ؟؟؟؟
اترك لكم المايك للتعليق
والله سوالفكم ماتنمل ابد وتخلي الواحد يعبر ويفيد ويستفيد من هالمنتدى الله يوفقه ويفقكم المهم خط مصفح فيه رادار متحرك واحد بس مره يلفوه يمين ومره يسار ويكون قبل الجسر الي بعد المنصه كانك ساير برع بوظبي والله العظيم امشي 200 ومرات 180 الامور طيبه وماعندي سالفه بس سبحان الله الي عنده سالفه ومستعيل تلقوه يتخالف الحمد لله على كل حال وربي يحفظكم من الحوادث وبلاويها يارب …
عيل شو تقولون عني انا المظلوم
تخيلو يا جماعة … انا امشي في الشارع المسار السريع
ضربت اشاره يمين ولفيت من اقصى اليسار الى اقصى اليمين يعني لفيت مسارين في نفس الوقت … وكانت دوريه تمشي ورايه بس بعييييييييييده
المهم انا وقفت عند الدوار ووصلت الدوريه ووقفت عدالي
انا لفيت يمين والدوريه كملت سيده ….
شوي ولا يوصلني مسج بوجود مخالفه مروريه (انا مشترك في الخدمه)
رحت البيت اشوف في الجهاز شو المخالفه … طلعت عدم الاتزام بخط السير الالزامي !!!!!!! ومخالفه 200 درهم
لييييييييييييييش ظلم ظلم ظلم…. لو الشرطي هذا ريال كان وقفني وعطاني المخالفه حظوري …. لاكن لانه تيييت تيييت تيييت سار وسجل المخالفه غيابي
انا اخر مره كان موقفني شرطي في بوظبي …. قال هات السياره البوابه اربعه…….والله العظيم لو مب الدريس الي لابسنه كنت عادي حاطنه تحت تاير السياره … ..هههههههههههههههههههههههه
قتله شوف تبغي السياره شلها بروحك …. قال نحنا ما نشل السياره انته تيبها عندنا …. قتله اوكي سير ارقد في بيتكم وحلم انا مسلمنك السياره عند البوبه اربعه
في النهايه قتله خل اليسن والملكيه عندك لين ما اشوف موضوعك عند الظابط هههههههههه
وبعد محادثات مطوله في المرور تم ازاله مخالفه حجز السياره لانها كانت ظلم… ويحيا العدل
الله يبعد عنا عيال الحرام
الله المستعان
معلومة جديده وزين انك خبرتنا
بخصوص السالك
لو انت عندك سيارتين أو ثلاث مسجلات باسمك وكل السيارات عليهن سالك
للعلم : ما بيستوي لكل سيارة حساب ، الحساب بيستوي واحد عن الكل ، يعني لو حطيت رصيد للسيارة الأولى بيدخل الرصيد في كل السيارات
لا تعليق أكثر
مشكور على كلامك خوي … بس ما نقول غير حسبنا الله ونعم الوكيل