السلام عليكم ورحمة الله وبركاته..

اشحالكم اخواني واخواتي..؟

بغيت أعرف احسن مكتب للعمره بحيث يحجز التذكرة والفندق والمواصلات ..

وياليت من الاعضاء الكرام يفيدونا بمكاتب العمره ويكون اسعاره حلوه ..

ونصايحكم عشان العمره لاني اول مره ساير العمره..

وهل يحتاج تطعيم..؟؟

والسموووحة..^^

13 thoughts on “إستشارة في مكتب للعمرة”

  1. اخوي ادخل قسم السفر والسياحه
    عندنا العضوه رحلة ايمان لها مواضيع كثيره وعروض كثيره عن العمره
    بكل أمانه انا ماجربت المكتب . لكن معظم الاعضاء الي راحو عن طريق مكتب رحلة الايمان كانو يمتدحون المكتب
    ومكتبهم في بوظبي
    والله يتقبل منك ان شاء الله
    ولاتنسانا من الدعاء . البس باشو ماعليك منها لوووووووول

  3. مشكورين وماقصرتوا في ميزان حسناتكم ان شاء الله ..

    اخوي بن سعيد انا من امارة بوظبي…

    نتريا الاعضاء..^^

  4. اخوي لا تحجز عن طريق مكتب لنه ايزيدون السعر عليك على الفاضي ،،،

    احجز الفندق عن طريق الهاتف مباشره ،تقريبا كل الفنادق موفره رقم مجاني مباشر للحجز ،

    اما بخصوص المواصلات من المطار للفندق بتحصل شكثر تكاسي في مطار جده ، احنا قبل كنا نحجز عن طريق مكتب والمكتب يحجز لنا المواصلات ، عاد شوف التأخير وليما الدريول ايدل مكانا ايه هي سالفه طويله ، من بعدها قمنا ناخذ تكسي من المطار متوفر وارخص من المكتب ، وما يحتاي تنتظر ابدا ،

    اما بخصوص التذاكر ف احجز قبل موعد السفر بشهرين على الاقل عشان الاسعار اتكون مرتفعه مع مرور الوقت ،،

    انا شخصيا احجز السكن بطريقه ، اول شي اتصل في الفندق مباشره اشوف اسعارهم ، بعدين اتصل على شركه ايثار الاخوه لحجز السكن ، ايهم ارخص احجز عنده ،، والحمدلله ما حصلت ابدا مشاكل يعني محد قص علي وله العرض مب مثل اللي دفعت ،،

    ولا تنسانا من الدعاء ،،،

  5. وعليكم السلام ورحمة الله وبركاته
    .
    أول شي اخوي
    الله يوفقك ويتقبل منك ان شاء الله
    .
    نصيحتي لك اول شي تسير المدينه واتم
    فيها يومين على الاقل
    .
    وطبعا عقبه بتروح للميقات بالسياره
    ومنه بتسير مكه المكرمه
    .
    وبعد قبل ماتروح حاول انك تشتري
    كتيب صغير من المكتبه عن العمره
    لانه بيكون فيه أدعيه ونصايح بتفيدك وايد
    .
    هالموقع فيه فلاش صغير بيعرفك على
    العمره واللبس والنيه وكل الاشياء
    المتعلقه بالعمره
    .
    فلاش : صفة العمرة
    .
    في مكاتب سفريات مسويه عروض
    بحيث انك تسير فالويك اند يعني من الخميس
    للسبت [مكه بس] وب 2100-2300 درهم
    للشخص شامل تذكره السفر والمواصلات
    من والى المطار والفندق
    بس تكون شوي متعبه لانه الوقت ضيق
    .
    الفنادق احسن شي فندق زمزم ودار التوحيد
    .
    بخصوص المكاتب ياريت نعرف انته في
    اي اماره وان شاء الله مابنقصر وياك ..
    .
    واخيرا الله اييسر امورك وعمره مقبوله
    ان شاء الله ولاتنسانا من من دعائك
    .
    بن سعيد
    .

Comments are closed.