كيف حالكم
اخوكم من السعوديه ..
وناوي اشتري الـ g500
اول شي انا ناوي اشتريها من الإمارات … وكنت بالإجازه الماضيه فالإمارات شفتها بكثره وخش راسي الموتر صراحه راقي
اول شي بسالكم الـ 2002 يفرق كثير عن الـ 2009 كنظره اولى لو غيرت مثلا السطبات وبعض التغيرات الطفيفه لل2009 لان ما عندي نيه اصرف كثير على الموتر
ثاني شي خربات الموتر كثير؟
رابع شي واهو الأهم
انا اشوف تفاوت بالأسعار
يعني شف كذا نوع من الـ 2002 g500
بـ 100 الف .. وشفت بعضها توصل 160 الف واهي نفس الشي g500
وشفت 2009 بـ 140 الف بعد .. G500
مادري يقولون فرق وارد امريكي ولا خليجي ..
انا ابي تقريبا الـ 2001 والـ 2002 و الـ 2003 كم اسعارها
خليجي … و وارد امريكي
وعندنا مشكله طبعاً بالسعوديه ان الموتر مايدخل للسعوديه إذا اقدم من 5 سنوات من موديل السنه وهذي مشكله والله ..
فيعني لازم اشتري 2005 وطالع …
الـ 2005 كم
انا ميزانيتي تقريبا ماهي كثيرهـ فايش المناسب وايش اسوي بالظبط ؟؟
الموتر خاااش راااااااااسي
وهل خراباته ومشاكله كثيره؟
ويله سلام عليكم
يجزاك بالخير ولك حبه فوق راسك والله افدتني كثير بخصوص التعديل …
بخصوص الاسعار كيفها فالإمارات وبكم شاري حقك …
وإذا تعرف خلفيه عن الاسعار تسوي خير
ووالله ماقصرت اسفين تعبناك
نسيت اكتب لك سيارت 2002 يعني ما تصلح لك ههههههههههههههههه
وشكراً
مرحبا يا اخوي أنا عندي g500 معدل 2009
غيرت التالي :
1- الأضواء الامامية ب 7000 درهم
2-الشبك الأمامي للسيارة ب 3000 درهم
3- خط الكروم على السيارة ب 1800 درهم
4- الكلمات إلي موجوده على طرفين السيارة V8 &KOPRISOR ومن الخلفG55 ( لقيتها من أشتريت السيارة اناما غيرتها )
5- الأضواء الخلفية ب 1200 درهم (يمكن ما أذكر بالضبط)
6 – الرفارف ب 1200 درهم ( الجي 500 يجيك الرفرف صافي أما ال55 يجيك مخطط) أقصد البلاستيك الأسود
7 – صراحة نسيت إسمه هههههه (القطع إلي تجيك فوق الأربع تواير عالبدي تعرض لك السيارة شوي ب 8000 درهم
8- المرايات الجانية : نسيت بكم صراحة
9 – قطعة الكاميرا بالخلف : 1200 درهم (على شو يا حسرة ) .
10 – سستم القزوز : 7000 درهم
11- الرنجات (على قولتكم جنوط) أخذتها ب 10000 ألاف درهم _ الإطارات ب 5500
بجذي تكون غيرت شكل السيارة
غيرت أنا بعد كم شي من الداخل عسب تاخذ فكرة عن الأسعار
1- عداد السرعة ب 3700 درهم
2- تركيب شبك داخل السيارة (خلف مقاعد الركاب ) ب 1800 (ممكن)
3- شي أول ما تفتح الباب تظهر لك كتابة في الليل تكون منورة (أنا لقيتها جاهزة )
4 – ركبت أريايل ب 1200 درهم (إشتريتها عن طريق ريال من النت )
5 – بدلت القطعة السودة إلي تجيك بالإسبير ب 1200 درهم (علة شو يا حسرة)
6 – بدلت قبضة الهاند بريك على 1200 درهم
7 – ركبت سبيسرات (تعرض لك الإطارات) ب 2500 درهم
8- ركبت قلص السيارة ب 1200 درهم
9 – غيرت فرش السيارة بس ما اخذت أصلي (فصلته بالصناعية ب 200 درهم ) هههههه
صيانة السيارة بشكل عام معقول وما تخترب إذا حافظت عليها .
السيارة تصرف بترول وااااااايد وتصرف آيل بعد .
أرجو إني اكون فدتك وما كثرت كلام (خير الكلام ما قل ودل وشكراً) .
one-person
بإذن الله بتواصل معك من موضوعك باينه الخبره
لكن اول شي خلني اخذ فكره عن الاسعار
انا و حلو الاطباع نشتغل فالجي اخوي اقدر اساعدك تواصل وياي و ما بقصر وياك