السلام عليكم ورحمة الله وبركاته
انا توني بايع رنج سبورت و ناوي اخذ Fj لكن بغيت اراء الشباب الي جربوا هذه السيارة الحلوة…
السعر للرقم واحد وشو الفرق بين الرقم واحد و اثنين ؟
السعر السيارة عند الفطيم و البهوان
مواصفات السيارة عند الفطيم و البهوان
هل السيارة عملية (السواقة في المدينة و الخطوط)
المساحة الداخلة (اقدر اركب اكثر من شخصين براحة تامه ام نفس الجيب رانجلر
الراحة الداخلية في الداخل (هل الكراسي مريحة و وسيعه)
مدة الحجز في الفطيم و البهوان
هل تصلح ان تكون سيارة لمدة 5 سنين ؟
للعلم لدي 245 الف من قيمة بيع الرنج و ما حصلت سيارة احلى من “فاطمه جمعه” Fj فشو رايكم ؟
اي معلومات اضافيه الرجاء ذكرها
علما انا ما شفتها من الداخل و انا مب راعي بر و دعاس و نقيان 
اريدها للاستخدام اليومي و الرحلات لمدن الدولة في فصل الشتاء.
فاطمه جعفر
ممكن الاسباب ياخوي ؟
طوارق مب حلوة انا بعت الرنج و السبب ان السيارة وايد رسمية و ما فيها مواصفات كثيرة مع ان الاسم رنج سبورت.
السلام عليكم
شكرا يا سعيد على التشجيع انا قررت 80% اني اشتري فاطمه جمعه و اللون ابيض لحد الان ما مريت على الوكالة وباذن الله بمر عليهم في اقرب فرصة. بصلي استخارة و بتوكل اذا الامور طيبة
عاش راعي ال trd
سلمك الله السياره ماعليها كلام سواء في الشارع ولا في البر وسواقتها مثل الصالون
حلوه وعمليه ولكن من استخدامي الها فيها بعض السلبيات
الدبه مب كبيره الا لو نزلت الكراسي الخلفيه طبعا
صرفية البترول شوي عاليه يمكن لان السياره تصرف ولا لان الخزان مب كبير كفايه
الدخول للكراسي الخلفيه وايد صعب لكبار السن لعدم وجود قبظات ومحرج للفتيات
النزول صعب فقط في المواقف مثال على ذلك مواقف المراكز التجاريه لانك يوم بتفتح البابين بتنحجز انت والشخص اللي بينزل لو كان في سيارة واقفه عدالك وبيضطر انه يتقرب منك زياده عن اللزوم علشان تقدر اتبند الباب الخلفي وبعدين الباب الامامي
او انك تفتح بابك وتبتعد وتطلب منه انه يغلق البابين في النهايه
الطي او السبرينقات وايد لينات وتحس ابهالشي لو تخطف على مطبه مثل مطبة الضيافه بدون ماتخفف السرعه
الإضائه الداخلية شوي تعبانه او تقدر اتقول معدومه في المنطقه الأماميه (ولكن انا حليت هالمشكله)
هذه سلمك الله اغلب عيوبها ولكن في النهايه انا مقتنع ابها لانها وايد عايبتني ومثل ماقلت دامك عزابي مافي مشاكل بالنسبه لك
واتمنى اني اكون قدرت افيدك